Published : 27 May 2020 20:36 pm

Updated : 27 May 2020 22:33 pm

 

Published : 27 May 2020 08:36 PM
Last Updated : 27 May 2020 10:33 PM

வெப் சீரிஸில் நடிக்கிறாரா வடிவேலு? - ஒரு விளக்கம்

vadivelu-in-web-series

வெப் சீரிஸில் வடிவேலு நடிக்கவுள்ளதாக வெளியான தகவலுக்கு அவரது தரப்பில் மறுப்பு தெரிவித்தார்கள்.

தமிழ்த் திரையுலகில் முன்னணி காமெடி நடிகராக வலம் வருபவர் வடிவேலு. 'இம்சை அரசன் 24-ம் புலிகேசி' படம் தொடர்பாக எழுந்த சர்ச்சையால் திரையுலகிலிருந்து விலகியே இருக்கிறார். இறுதியாக 2017-ம் ஆண்டு வெளியான விஜய் நடித்த 'மெர்சல்' படத்தில் முக்கிய கதாபாத்திரத்தில் நடித்திருந்தார்.

கடந்த இரண்டு ஆண்டுகளாக இவருடைய நடிப்பில் எந்தவொரு படமும் வெளியாகவில்லை. ஆனால், இணையத்தில் ட்ரெண்ட் என்று எப்போதுமே முன்னணியிலேயே இருக்கிறார். கடந்த சில தினங்களாக வடிவேலு வெப் சீரிஸ் ஒன்றில் நடிக்கவுள்ளார், கரோனா ஊரடங்கு முடிந்தவுடன் படப்பிடிப்பு தொடங்கவுள்ளது என்று தகவல் வெளியானது.

இது தொடர்பாக வடிவேலு தரப்பில் விசாரித்த போது, "பலரும் பேட்டி கேட்கும் போது "வெப் சீரிஸில் நடிப்பீர்களா" என்று கேட்கும் போது, "கண்டிப்பாக நடிப்பேன்" என்று வடிவேலு சார் சொன்னது உண்மைதான். ஆனால் இது தொடர்பான பேச்சுவார்த்தை எதுவுமே தொடங்கப்படவில்லை. வடிவேலு சார் கூறிய பதிலை மட்டும் வைத்துக் கொண்டு ஆளுக்கு ஆள் ஒவ்வொன்றாக எழுதிக் கொண்டிருக்கிறார்கள்.

இப்போதைக்கு கமல் சார் நடிக்கவுள்ள 'தலைவன் இருக்கின்றான்' படத்தில் வடிவேலு சார் நடிக்கவுள்ளது உறுதி. வேறு எதுவுமே உறுதியில்லை" என்று தெரிவித்தார்கள். இதன் மூலம் வடிவேலு எந்தவொரு வெப் சீரிஸில் நடிக்க ஒப்பந்தமாகவில்லை என்பது உறுதியாகியுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!


வடிவேலுவடிவேலு பேட்டிவடிவேலு வெப் சீரிஸ்வெப் சீரிஸில் வடிவேலுவடிவேலு கருத்துமெர்சல்வடிவேலு பகிர்வுவடிவேலு தரப்புவடிவேலு தரப்பு விளக்கம்ஒரு நிமிட பாதிப்பு

Sign up to receive our newsletter in your inbox every day!

You May Like

More From This Category

More From this Author