Last Updated : 21 May, 2020 10:31 AM

 

Published : 21 May 2020 10:31 AM
Last Updated : 21 May 2020 10:31 AM

ஆன்லைனில் நேரடியாக வெளியாகும் டாம் ஹாங்க்ஸின் ‘க்ரேஹவுண்ட்’

டாம் ஹாங்க்ஸ் நடிப்பில் உருவாகியுள்ள ‘க்ரேஹவுண்ட்’ திரைப்படம் நேரடியாக ஆன்லைனில் வெளியாகிறது.

கரோனா அச்சுறுத்தல் காரணமாக உலகம் முழுவதும் திரையரங்குகள் மூடப்பட்டு, சினிமா படப்பிடிப்புகளும் ஒத்திவைக்கப்பட்டுள்ளன. ஏற்கெனவே எடுத்து முடிக்கப்பட்ட படங்களின் வெளியீடுகளும் கூட அடுத்த ஆண்டுக்குத் தள்ளிவைக்கப்பட்டுள்ளன. இன்னும் சில தயாரிப்பு நிறுவனங்கள் தங்கள் படங்களை நேரடியாக ஆன்லைன் தளங்களில் வெளியிட்டு வருகின்றன.

அந்த வகையில் இரண்டாம் உலகப் போரை அடிப்படையாகக் கொண்டு உருவாகியுள்ள ‘க்ரேஹவுண்ட்’ திரைப்படத்தை ஆப்பிள் டிவி+ ஆன்லைன் ஸ்ட்ரீமிங் தளத்தில் நேரடியாக வெளியிட சோனி நிறுவனம் திட்டமிட்டுள்ளது.

டாம் ஹாங்க்ஸ் நடித்துள்ள இப்படம் கடந்த ஆண்டு படப்பிடிப்பு முடிக்கப்பட்டு வரும் ஜூன் மாதம் 12 ஆம் தேதி வெளியாகும்படி திட்டமிடப்பட்டிருந்தது.

1955 ஆம் ஆண்டு சி.எஸ். ஃபாஸ்டர் என்பவர் எழுதிய ‘குட் ஷெஃபர்ட்’ என்ற நாவலை அடிப்படையாகக் கொண்ட இப்படத்துக்கு டாம் ஹாங்க்ஸ் திரைக்கதை எழுத, ஆரோன் ஷ்னீடர் இயக்கியுள்ளார்.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x