Published : 13 May 2020 13:41 pm

Updated : 13 May 2020 13:41 pm

 

Published : 13 May 2020 01:41 PM
Last Updated : 13 May 2020 01:41 PM

'விஸ்வாசம்' படத்தின் சில காட்சிகளைப் படமாக்கிய அஜித்

viswasam-tidbits

'விஸ்வாசம்' படத்தின் சில காட்சிகளை அஜித்தே படமாக்கியது உறுதியாகியுள்ளது.

சிவா இயக்கத்தில் அஜித், நயன்தாரா, அனிகா, விவேக், ஜெகபதி பாபு, ரோபோ சங்கர் உள்ளிட்ட பலர் நடிப்பில் வெளியான படம் 'விஸ்வாசம்'. 2019-ம் ஆண்டு ஜனவரி 10-ம் தேதி இப்படம் வெளியானது. வசூல் ரீதியாகவும், விமர்சன ரீதியாகவும் பெரும் வரவேற்பைப் பெற்றது.

தமிழக வசூலில் ரஜினியின் 'பேட்ட' படத்தின் வசூலை முறியடித்தது 'விஸ்வாசம்'. இந்தப் படத்தில் சம்பந்தப்பட்ட விநியோகஸ்தர்கள், திரையரங்கு உரிமையாளர்கள் என அனைவருக்கும் நல்ல லாபம் கொடுத்தது.

இந்தப் படத்தின் டிஜிட்டல் உரிமையை அமேசான் ப்ரைம் நிறுவனம் பெரும் விலை கொடுத்துக் கைப்பற்றியது. தற்போது கரோனா ஊரடங்கினால், தாங்கள் கைப்பற்றிய படங்களின் பின்னணி சுவாரசியங்கள் குறித்து வெளியிட்டுள்ளது.

அதில் 'விஸ்வாசம்' படத்தின் தொடக்கத்தில் வரும் சில ட்ரோன் காட்சிகளை அஜித்தே படமாக்கியுள்ளார் எனத் தெரிவித்துள்ளது. அதில் தயாரிப்பாளர்களின் பெயர் வரும் காட்சி அவர் காட்சிப்படுத்தியதுதான் என்றும் கூறியுள்ளது. மேலும், அஜித் ட்ரோனை இயக்கும் புகைப்படத்தையும் வெளியிட்டுள்ளது.

சமீபமாக அஜித் ட்ரோன் காட்சிகளில் அதிக கவனம் செலுத்தி வருகிறார். இவர் பயிற்சியளித்த தக்‌ஷா டீம், ஏரோ இந்தியா கண்காட்சியின் ஓர் அங்கமான ட்ரோன் ஒலிம்பிக்ஸ் போட்டியில், மூன்று பிரிவுகளில் வெற்றி பெற்றது குறிப்பிடத்தக்கது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

விஸ்வாசம்அஜித்நயன்தாராஅஜித் படமாக்கிய காட்சிஇயக்குநர் சிவாசத்யஜோதி பிலிம்ஸ்விஸ்வாசம் காட்சிகள்

Sign up to receive our newsletter in your inbox every day!

You May Like

More From This Category

More From this Author