Published : 30 Mar 2020 19:01 pm

Updated : 30 Mar 2020 21:47 pm

 

Published : 30 Mar 2020 07:01 PM
Last Updated : 30 Mar 2020 09:47 PM

'பிளாக் விடோ' படத்தை டிஜிட்டலில் வெளியிடலாம்: டேவிட் ஹார்பர்

black-widow-movie

'பிளாக் விடோ' படத்தை டிஜிட்டல் தளங்களிலேயே வெளியிடலாம் என்று அந்தப் படத்தில் நடித்திருக்கும் நடிகர் டேவிட் ஹார்பர் கூறியுள்ளார்.

'ஸ்ட்ரேஞ்சர் திங்ஸ்' வெப் சீரிஸ் மூலம் பிரபலமானவர் டேவிட் ஹார்பர். இவர் 'ஹெல் பாய்', 'சூஸைட் ஸ்குவாட்', 'ஈக்வலைஸர்' உள்ளிட்ட படங்களிலும் நடித்துள்ளார். மார்வல் சினிமா உலகின் சூப்பர் ஹீரோ பட வரிசையில் அடுத்து வெளியாகவுள்ள 'பிளாக் விடோ' படத்தில் ஹார்பர் ஒரு முக்கியக் கதாபாத்திரத்தில் நடித்துள்ளார்.

ஏப்ரல் இறுதியில் 'பிளாக் விடோ' வெளியாகத் திட்டமிடப்பட்டிருந்தது. ஆனால், கரோனா பிரச்சினை காரணமாக ஒத்திவைக்கப்பட்ட எண்ணற்ற திரைப்பட வெளியீடுகளில் ’பிளாக் விடோ’வும் அடக்கம். இந்தப் பிரச்சினை எப்போதும் தீரும் என்பது இதுவரை தெளிவாகவில்லை என்பதால் ’பிளாக் விடோ’வும் எப்போது வெளியாகும் என்பது தெரியாது.

அண்மையில் டேவிட் ஹார்பர் இன்ஸ்டாகிராம் தளத்தில் தனது ரசிகர்களுடன் உரையாடினார். அப்போது பட வெளியீடு பற்றிப் பேசுகையில், "படம் தள்ளிவைக்கப்பட்டது குறித்து எனக்கு மின்னஞ்சல் வந்தது. நான் அதிர்ச்சி தெரிவித்தேன். படத்தை நாம் அனைவரும் ஏன் டிஜிட்டல் வெளியீட்டில் பார்க்கக்கூடாது? ஆனால் அந்த முடிவெல்லாம் நான் எடுக்கக் கூடியது அல்ல" என்று கூறியுள்ளார்.

கரோனா தொற்று பீதியால்தான் 'ஸ்ட்ரேஞ்சர் திங்ஸ்' தொடரின் நான்காவது சீஸனும் தள்ளிவைக்கப்பட்டிருப்பதாக ஹார்பர் கூறியுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

மார்வெல் நிறுவனம்மார்வெல் படங்கள்பிளாக் விடோபிளாக் விடோ திரைப்படம்

Sign up to receive our newsletter in your inbox every day!

You May Like

More From This Category

More From this Author