Published : 26 Mar 2020 14:32 pm

Updated : 26 Mar 2020 14:32 pm

 

Published : 26 Mar 2020 02:32 PM
Last Updated : 26 Mar 2020 02:32 PM

உடற்பயிற்சி வீடியோக்கள் வெளியிட்ட பிரபலங்கள்: ஃபாரா கான் காட்டம்

farah-khan-video

உடற்பயிற்சி வீடியோக்கள் வெளியிட்ட பிரபலங்களைக் கடுமையாகச் சாடி வீடியோ பதிவொன்றை வெளியிட்டுள்ளார் இயக்குநர் ஃபாரா கான்.

இந்தியாவில் கரோனா வைரஸ் தொற்றைத் தடுக்க படப்பிடிப்புகள் நிறுத்தி வைக்கப்பட்டுள்ளன. மேலும் 21 நாட்கள் ஊரடங்கு என்று பிரதமர் மோடி அறிவித்திருப்பதால், திரையுலகப் பிரபலங்கள் பலரும் வீட்டுக்குள்ளேயே முடங்கிப் போயுள்ளனர். மேலும், யாரும் வீட்டை விட்டு வெளியே வர வேண்டாம் என்று வீடியோ மூலம் மக்களுக்கு வேண்டுகோள் விடுத்து வருகிறார்கள்.

இந்த வீடியோக்கள் தவிர்த்து பலரும் தங்களுடைய வீட்டிலிருந்து உடற்பயிற்சி செய்யும் வீடியோக்களைப் பதிவேற்றினார்கள். இந்த ஊரடங்கிலும் தொடர் உடற்பயிற்சி எனப் பலரும் கருத்து தெரிவித்து வீடியோ வெளியிட்டனர். இதனை பட இயக்குநரும், நடன இயக்குநருமான ஃபாரா கான் கடுமையாகச் சாடியுள்ளார்.

இது தொடர்பாகத் தனது ட்விட்டர் பதிவில் அவர் வெளியிட்டுள்ள வீடியோ பதிவில் கூறியிருப்பதாவது:

"நான் ஃபாரா கான். பொதுச் சுகாதாரம் மற்றும் பாதுகாப்பு கருதி பிரபலங்கள், நட்சத்திரங்களுக்கு நான் ஒரு வேண்டுகோள் விடுக்கிறேன். தயவுசெய்து நீங்கள் உடற்பயிற்சி செய்யும் வீடியோக்களைத் தொடர்ந்து பதிவேற்றாதீர்கள்.

நீங்களெல்லாம் வசதி படைத்தவர்கள். இந்த சர்வதேசப் பிரச்சினையில் உங்களுக்கு உங்கள் உடலைக் கச்சிதமாக வைத்துக் கொள்வதைத் தவிர வேறெந்த கவலையும் கிடையாது என்பது எனக்குப் புரிகிறது. ஆனால், எங்களில் பலருக்கு இந்தப் பிரச்சினையில் பெரிய கவலைகள் இருக்கின்றன.

எனவே நீங்கள் உடற்பயிற்சி வீடியோக்கள் பதிவேற்றுவதை நிறுத்துங்கள். அதை உங்களால் நிறுத்த முடியவில்லை என்றால் நான் உங்களைப் பின் தொடர்வதை நிறுத்திக்கொள்கிறேன். தவறாக எடுத்துக்கொள்ளாதீர்கள்”.

இவ்வாறு ஃபாரா கான் தெரிவித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

ஃபாரா கான் வீடியோஃபாரா கான் ட்விட்டர் வீடியோஃபாரா கான் காட்டம்கரோனா முன்னெச்சரிக்கைகரோனா அச்சம்கரோனா வைரஸ்கரோனா வைரஸ் தொற்றுகரோனா தொற்றுஉடற்பயிற்சி வீடியோக்கள்பாலிவுட் பிரபலங்கள்

Sign up to receive our newsletter in your inbox every day!

You May Like

More From This Category

More From this Author