Published : 25 Feb 2020 19:58 pm

Updated : 25 Feb 2020 19:58 pm

 

Published : 25 Feb 2020 07:58 PM
Last Updated : 25 Feb 2020 07:58 PM

ப்ரியாமணி விலகல்: சசிகலாவாக நடிக்கவே பூர்ணா ஒப்பந்தம்

poorna-in-sasikala-character

'தலைவி' படத்தில் சசிகலாவாக நடிக்க ஒப்பந்தம் செய்யப்பட்ட ப்ரியாமணி விலகவே, பூர்ணா ஒப்பந்தம் செய்யப்பட்டு நடித்து வருகிறார்.

மறைந்த தமிழக முன்னாள் முதல்வர் ஜெயலலிதாவின் வாழ்க்கை வரலாறு 'தலைவி' என்ற பெயரில் உருவாகி வருகிறது. விஷ்ணு இந்தூரி மற்றும் சைலேஷ் ஆர் சிங் இணைந்து தயாரித்து வரும் இந்தப் படத்தை ஏ.எல்.விஜய் இயக்க, கங்கணா ரணாவத் ஜெயலலிதாவாக நடித்து வருகிறார்.


இதில் எம்.ஜி.ஆராக அரவிந்த்சாமி நடித்து வருகிறார். சசிகலாவாக நடிப்பது யார் என்ற கேள்வி எழுந்தது. அந்தக் கதாபாத்திரத்தில் நடிக்க ப்ரியாமணி ஒப்பந்தமானார். ஆனால், இந்தியில் அஜய் தேவ்கனுடன் 'மைதான்' மற்றும் 'அசுரன்' தெலுங்கு ரீமேக் ஆகிய படங்களில் நடித்து வருகிறார் ப்ரியாமணி.

இந்தப் படங்களுக்கு ஒதுக்கப்பட்ட தேதிகளிலேயே, 'தலைவி' படப்பிடிப்பும் இருந்ததால் விலகிவிட்டார். தற்போது இவருக்குப் பதிலாக பூர்ணா ஒப்பந்தம் செய்யப்பட்டு நடித்து வருகிறார். இவருடைய காட்சிகள் சென்னையைச் சுற்றியுள்ள பகுதிகளில் படமாக்கப்பட்டு வருகின்றன.

எம்.ஜி.ஆரின் மனைவியான ஜானகி கதாபாத்திரத்தில் மதுபாலா நடித்து வருகிறார். தமிழ், தெலுங்கு, இந்தி என மூன்று மொழிகளிலும் தயாராகும் இந்தப் படத்தின் திரைக்கதையை இயக்குநர் ராஜமெளலியின் அப்பா விஜயேந்திர பிரசாத் எழுதியிருக்கிறார். இசையமைப்பாளராக ஜி.வி.பிரகாஷ், ஒளிப்பதிவாளராக விஷால் விட்டல் ஆகியோர் பணிபுரிந்து வருகிறார்கள்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



பூர்ணாசசிகலாசசிகலா கதாபாத்திரம்பூர்ணா ஒப்பந்தம்ப்ரியாமணி விலகல்தலைவிதலைவி அப்டேட்இயக்குநர் ஏ.எல்.விஜய்கங்கணா ரணாவத்ஜெயலலிதாவாக கங்கணா

Sign up to receive our newsletter in your inbox every day!

You May Like

More From This Category

More From this Author