இந்தியில் ரீமேக் ஆகிறது ‘ரன் லோலா ரன்’: நாயகியாக டாப்ஸி ஒப்பந்தம்

உலகப் புகழ் பெற்ற ‘ரன் லோலா ரன்’ திரைப்படத்தின் இந்தி ரீமேக்கில் டாப்ஸி நடிக்கவுள்ளார்.

1998 ஆம் ஆண்டு வெளியான ஜெர்மன் திரைப்படம் ‘ரன் லோலா ரன்’. கால சுழற்சி (time loop) வகை திரைப்படமான இது உலகம் முழுவதும் பெரும் வரவேற்பைப் பெற்றது. சிறந்த வெளிநாட்டுத் திரைப்படத்துக்கான ஆஸ்கர் விருது உள்ளிட்ட ஏராளமான விருதுகளை இப்படம் வென்றுள்ளது.

இந்நிலையில் ‘ரன் லோலா ரன்’ திரைப்படம் இந்தியில் ரீமேக் செய்யப்படுகிறது. இதில் முக்கியக் கதாபாத்திரத்தில் டாப்ஸி, தாஹிர் ராஜ் பாஸின் ஆகியோர் நடிக்கவுள்ளனர். ஆகாஷ் பாட்டியா இயக்கவுள்ளார். இப்படத்தை சோனி நிறுவனத்துடன் இணைந்து எல்லிப்ஸிஸ் எண்டர்டைமெண்ட் நிறுவனம் தயாரிக்கிறது.

இந்த அறிவிப்பை சோனி நிறுவனம் தனது அதிகாரபூர்வ ட்விட்டர் பக்கத்தில் வெளியிட்டுள்ளது. அதில், ''சீட் நுனிக்குக் கொண்டு வரும் இந்த த்ரில்லர் காமெடிப் படத்தில் எல்லிப்ஸ் என்டர்டெயின்மென்ட் நிறுவனத்துடன் இணைவதில் பெரும் மகிழ்ச்சி கொள்கிறோம். டாப்ஸி மற்றும் தாஹிர் ராஜ் பாஸின் நடிக்கும் 'லூப் லபேட்டா' படம் 2021 ஆம் ஆண்டு ஜனவரி 29 ரிலீஸ் ஆகிறது'' என்று தெரிவித்துள்ளது.

Extremely excited to join hands with @EllipsisEntt to bring this edge of the seat, thriller-comedy that promises to leave your hearts racing! Presenting #LooopLapeta, starring powerhouse actors @taapsee & @TahirRajBhasin . Releasing on 29th January 2021. pic.twitter.com/d4a1Ur5va8

— Sony Pictures India (@SonyPicsIndia) February 18, 2020