Published : 29 Jan 2020 10:21 am

Updated : 29 Jan 2020 11:56 am

 

Published : 29 Jan 2020 10:21 AM
Last Updated : 29 Jan 2020 11:56 AM

டிஸ்னியின் ரீமேக்குகள் என்னைக் குழப்பமடையச் செய்கின்றன: பிரபல இயக்குநர் வருத்தம்

disney-legend-john-musker-bemused-by-remakes

பழைய கார்ட்டூன் படங்களை டிஸ்னி நிறுவனம் ரீமேக் செய்து வருவது தன்னைக் குழப்பமடையச் செய்வதாக டிஸ்னி கார்ட்டூன் பட இயக்குநரான ஜான் மஸ்கர் கூறியுள்ளார்.

2010 ஆம் ஆண்டு 'ஆலிஸ் இன் வொண்டர்லேண்ட்' படத்திலிருந்து டிஸ்னி நிறுவனம் தனது பிரபலமான அனிமேஷன் / கார்ட்டூன் திரைப்படங்களை நவீன காலத்துக்கு ஏற்றவாறு நடிகர்களை வைத்தோ அல்லது தத்ரூப அனிமேஷனாகவோ மீண்டும் தயாரித்து வருகிறது.

அந்த வரிசையில் ‘தி லயன் கிங்’, ‘அலாவுதீன்’, ‘பியூட்டி அன்ட் தி பீஸ்ட்’, ‘ஜங்கிள் புக்’ உள்ளிட்ட பல க்ளாஸிக் கார்ட்டூன் படங்கள் திரைப்படங்களாக உருப்பெற்று உலகம் முழுவதும் நல்ல வரவேற்பை பெற்றன.

இந்நிலையில் டிஸ்னி நிறுவனத்தில் பல ஆண்டுகளாக அனிமேஷன்/ கார்ட்டூன் படங்களின் இயக்குநராகப் பணியாற்றிய ஜான் மஸ்கர் பழைய கார்ட்டூன் படங்களை திரைப்படங்களாக ரீமேக் செய்வது குறித்து கருத்து தெரிவித்துள்ளார்.

தனியார் நாளிதழ் ஒன்றுக்கு ஜான் மஸ்கர் அளித்துள்ள பேட்டியில், ''டிஸ்னியின் தற்போதைய ரீமேக்குகள் என்னைக் குழப்பமடையச் செய்கின்றன. ‘மலாஃபிஸண்ட்’ போன்ற மிகப்பெரிய வெற்றிப்படங்களாக அறியப்படுபவை கூட அதன் மூலத்தை மறுபரிசீலனை செய்ய வைக்கின்றன. ஜான் ஃபேவரூ ஒரு புத்திசாலித்தனமான இயக்குநர். ஆனா கையால் வரையப்பட்ட ‘லயன் கிங்’ கார்ட்டூனிலிருந்து காட்சிக்கு காட்சிக்கு அப்படியே நகலெடுக்கப்பட்ட இந்த அனிமேஷன் படத்துடன் (லயன் கிங் 2019) என்னால் ஒன்ற முடியவில்லை.

அதற்குப் பதிலாக இன்னும் பல அசல் கதைகளை, குறிப்பாக பழங்காலக் கதைகளை அதன் கரு சிதையாமல் திரைப்படமாகக் காண விரும்புகிறேன்'' என்று ஜான் மஸ்க் கூறியுள்ளார்.

டிஸ்னி நிறுவனம் ‘லயன் கிங்’, ‘ஜங்கிள் புக்’, அலாவுதீனைத் தொடர்ந்து ‘முலன்’, ‘பாம்பி’, ‘லிட்டில் மெர்மெய்ட்’ ஆகிய கார்ட்டூன் படங்களை ரீமேக் செய்து வருகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

DisneyJohn Muskerடிஸ்னிஜான் மஸ்கர்’தி லயன் கிங்’’அலாவுதீன்’’பியூட்டி அன்ட் தி பீஸ்ட்’ஜங்கிள் புக்

Sign up to receive our newsletter in your inbox every day!

You May Like

More From This Category

More From this Author