Published : 16 Jan 2020 09:20 AM
Last Updated : 16 Jan 2020 09:20 AM

ஒரே ஆண்டில் பில்லியன் டாலர்கள் வசூலித்த டிஸ்னியின் 7 படங்கள்

2019ஆம் ஆண்டு வெளியான படங்களில் டிஸ்னி நிறுவனத்தின் 7 படங்கள் உலகம் முழுவதும் 1 பில்லியன் டாலர்களுக்கும் அதிகமாக வசூலித்து சாதனை படைத்துள்ளன.

’ஸ்டார் வார்ஸ்: ரைஸ் ஆஃப் தி ஸ்கைவாக்கர்’ படம் கடந்த 2019ஆம் ஆண்டு இறுதியில் வெளியானது. ஸ்டார் வார்ஸ் படவரிசையில் ஒன்பதாவது படமான அது கடந்த செவ்வாய்க்கிழமை நிலவரத்தின்படி உலகம் முழுவதும் 1 பில்லியன் அமெரிக்க டாலர்கள் வசூலித்துள்ளது.

கடந்த 2019 ஆண்டில் மட்டுமே டிஸ்னியின் ’கேப்டன் மார்வெல்’, ’அவெஞ்சர்ஸ்: என்ட்கேம்’, ’அலாவுதீன்’, ’தி லயன் கிங்’, ’டாய் ஸ்டோரி 4’, ’ஃப்ரோஸன் 2’ ஆகிய 7 படங்கள் 1 பில்லியன் டாலர்கள் வசூலித்து சாதனை படைத்துள்ளன. தற்போது அந்த வரிசையில் ’ஸ்டார் வார்ஸ்: ரைஸ் ஆஃப் தி ஸ்கைவாக்கர்’ படமும் இணைந்துள்ளது.

டிசம்பர் 20ஆம் தேதி வெளியான ’ஸ்டார் வார்ஸ்: ரைஸ் ஆஃப் தி ஸ்கைவாக்கர்’ படம் வெளியான முதல் வாரத்தில் வட அமெரிக்காவில் 177 மில்லியன் டாலர்கள் வசூலித்திருந்தது. தற்போது அது உலகம் முழுவதும் 1 பில்லியன் டாலர்களாக அதிகரித்துள்ளது.

கடந்த 2016ஆம் ஆண்டு டிஸ்னி நிறுவனத்தின் 4 படங்கள் 1 பில்லியன் டாலர்களை கடந்து வசூல் சாதனை செய்திருந்தது. தற்போது அந்த சாதனை டிஸ்னி நிறுவனத்தாலேயே முறியடிக்கப்பட்டிருப்பது குறிப்பிடத்தக்கது.

FOLLOW US

Sign up to receive our newsletter in your inbox every day!

WRITE A COMMENT
 
x