Published : 03 Dec 2019 13:31 pm

Updated : 03 Dec 2019 20:45 pm

 

Published : 03 Dec 2019 01:31 PM
Last Updated : 03 Dec 2019 08:45 PM

‘தளபதி 64’ படத்தலைப்பு சர்ச்சை: ‘சம்பவம்’ பட இயக்குநர் விளக்கம்

thalapathy-64-movie-title-is-sambavam

‘தளபதி 64’ படத்தின் தலைப்பு குறித்து பல்வேறு தகவல்கள் வெளியாகி வரும் நிலையில், ‘சம்பவம்’ படத்தின் இயக்குநர் ரஞ்சித் பாரிஜாதம் விளக்கமளித்துள்ளார்.

ஸ்ரீகாந்த் மற்றும் நடன இயக்குநர் தினேஷ் இருவரும் இணைந்து நடித்துவரும் படம் ‘சம்பவம்’. ஷாலோம் ஸ்டுடியோஸ் நிறுவனம் தயாரித்துவரும் இந்தப் படத்தை, ரஞ்சித் பாரிஜாதம் இயக்கி வருகிறார். இதில் பூர்ணா, சிருஷ்டி டாங்கே, பேபி ஸ்ருதிகா, கிஷோர், இயக்குநர் வெங்கடேஷ், தம்பி ராமையா உள்ளிட்ட பலர் முக்கியக் கதாபாத்திரங்களில் நடித்து வருகின்றனர்.

இந்நிலையில், லோகேஷ் கனகராஜ் இயக்கத்தில் விஜய் நடித்து வரும் படத்துக்கு ‘சம்பவம்’ எனப் பெயரிட்டுள்ளதாகத் தகவல்கள் வெளியாகின. இதை வைத்து, விஜய் ரசிகர்களும் அவர்களுடைய ரசனைக்கு ஏற்ப போஸ்டர் வடிவமைப்பை வெளியிட்டனர். இந்த போஸ்டர்கள், சமூக வலைதளங்களில் வைரலாகின.

இந்த விவகாரம் தொடர்பாக ‘சம்பவம்’ படத்தின் இயக்குநர் ரஞ்சித் பாரிஜாதம் வெளியிட்டுள்ள அறிக்கையில், “ ‘சம்பவம்’ என்ற படத்தை இயக்கி வருகிறேன். ஸ்ரீகாந்த், நடன இயக்குனர் தினேஷ், பூர்ணா, சிருஷ்டி டாங்கே ஆகியோர் நடிக்கின்றனர். ‘சம்பவம்’ என்ற தலைப்பை முறையாகப் பதிவுசெய்து படப்பிடிப்பை நடத்தி வருகிறோம்.

ஆனால், விஜய் நடிப்பில் உருவாகி வரும் படத்துக்கு ‘சம்பவம்’ என்று பெயர் வைத்திருப்பதாகச் செய்திகள் வெளியாகியுள்ளன. இது எங்கள் படக்குழுவுக்கு அதிர்ச்சியை ஏற்படுத்தியுள்ளது. ‘சம்பவம்’ என்ற தலைப்பு எங்களுக்குச் சொந்தமானது. அதனால், விஜய் படம் பற்றி வரும் வதந்திகளை நம்பாதீர்கள்” என்று தெரிவித்துள்ளார்.

தற்போது ‘தளபதி 64’ என்று அழைக்கப்பட்டு வரும் விஜய் படத்தில், அவருக்கு ஜோடியாக மாளவிகா மோகனன் நடிக்கிறார். விஜய் சேதுபதி வில்லனாக நடிக்க, அர்ஜுன் தாஸ், சாந்தனு, விஜே ரம்யா, கெளரி கிஷண், ஸ்ரீநாத், சஞ்சய், ஸ்ரீமன் உள்ளிட்ட பலர் முக்கியக் கதாபாத்திரங்களில் நடிக்கின்றனர்.

சேவியர் பிரிட்டோ தயாரித்துவரும் இந்தப் படத்துக்கு, அனிருத் இசையமைக்கிறார். அடுத்த ஆண்டு (2020) ஏப்ரல் மாதம் படத்தை வெளியிடத் திட்டமிட்டுள்ளனர்.


Thalapathy 64Thalapathy 64 movieThalapathy 64 shootingThalapathy 64 shooting spotThalapathy 64 vijayThalapathy 64 first lookThalapathy 64 titleSambavamSambavam movieSambavam vijayLokesh kanagarajலோகேஷ் கனகராஜ்சம்பவம்சம்பவம் விஜய்தளபதி 64தளபதி 64 சம்பவம்தளபதி 64 தலைப்புதளபதி 64 படப்பிடிப்பு

Sign up to receive our newsletter in your inbox every day!

You May Like

More From This Category

More From this Author