Published : 20 Nov 2019 15:43 pm

Updated : 20 Nov 2019 17:51 pm

 

Published : 20 Nov 2019 03:43 PM
Last Updated : 20 Nov 2019 05:51 PM

வேல்ஸ் ஃபிலிம்ஸ் வெற்றி விழா: முதல்வர் பழனிசாமி பங்கேற்பு

cm-palanisamy-attend-vels-films-international-function

வேல்ஸ் ஃபிலிம்ஸ் இன்டர்நேஷனல் நிறுவனத்தின் வெற்றி விழாவில் முதல்வர் பழனிசாமி கலந்து கொள்கிறார்.

‘வாக்குமூலம்’ படத்தின் மூலம் 1991-ம் ஆண்டு தயாரிப்பாளரானவர் ஐசரி கணேஷ். இவருடைய வேல்ஸ் ஃபிலிம்ஸ் இன்டர்நேஷனல் நிறுவனம், நீண்ட இடைவெளிக்குப் பிறகு மறுபடியும் படங்களைத் தயாரித்து வருகிறது.

2016-ம் ஆண்டு ‘தேவி’ படத்தின் மூலம் மறுபடியும் சினிமா தயாரிப்பில் ஐசரி கணேஷ், ‘போகன்’, ‘சம்டைம்ஸ்’, ‘ஜுங்கா’, ‘எல்கேஜி’, ‘தேவி 2’, ‘கோமாளி’, ‘பப்பி’ ஆகிய படங்களை இதுவரை தயாரித்துள்ளது. மேலும், ‘சுமோ’, ‘கிழக்கு ஆப்ரிக்காவில் ராஜு’, ‘சீறு’, ‘ஜோஷ்வா’, ‘மூக்குத்தி அம்மன்’ ஆகிய படங்களைத் தயாரித்து வருகிறது.

இதில், ‘கிழக்கு ஆப்ரிக்காவில் ராஜு’ படம் 3டி அனிமேஷன் முறையில் உருவாகிறது. மோஷன் பிக்சர் முறையில் எம்.ஜி.ஆரை உருவாக்கி, நடிக்க வைக்கின்றனர். மேலும், சயீஷா மற்றும் அக்‌ஷரா கவுடா ஆகியோரும் இந்தப் படத்தில் நடிக்கின்றனர்.

இந்நிலையில், இந்த வருடம் (2019) வேல்ஸ் ஃபிலிம்ஸ் தயாரிப்பில் வெளியான மூன்று படங்களுமே நன்றாக ஓடி, வெற்றிப் படங்கள் லிஸ்ட்டில் இடம் பிடித்திருப்பதாகக் கூறப்படுகிறது. ‘கோமாளி’ 100 நாட்களும், ‘எல்கேஜி’ 50 நாட்களும், ‘பப்பி’ 25 நாட்களும் ஓடியதாக வேல்ஸ் ஃபிலிம்ஸ் நிறுவனம் தெரிவித்துள்ளது.

எனவே, இதைக் கொண்டாடும் வகையில் வெற்றி விழாவுக்கு ஏற்பாடு செய்யப்பட்டுள்ளது. வருகிற 24-ம் தேதி மாலை, ராயப்பேட்டை ஒய்எம்சிஏ மைதானத்தில் இந்த விழா நடைபெறுகிறது. இதில், தமிழக முதல்வர் எடப்பாடி பழனிசாமி கலந்துகொண்டு, 3 படங்களின் கலைஞர்களுக்கும் நினைவுப் பரிசு வழங்குகிறார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Vels films internationalCm palanisamyEdappadi palanisamyIsari k ganeshPuppy movieLkg movieComali movieவேல்ஸ் ஃபிலிம்ஸ் இன்டர்நேஷனல்ஐசரி கணேஷ்பப்பிகோமாளிஎல்கேஜிமுதல்வர் பழனிசாமிஎடப்பாடி பழனிசாமி

Sign up to receive our newsletter in your inbox every day!

You May Like

More From This Category

More From this Author