Published : 23 Oct 2019 12:03 pm

Updated : 23 Oct 2019 12:03 pm

 

Published : 23 Oct 2019 12:03 PM
Last Updated : 23 Oct 2019 12:03 PM

திருமூர்த்தி குரலில் ஆத்மார்த்தமான பாடல்: இமான் பெருமிதம்

thirumurthy-sings-a-song-in-imman-s-music
திருமூர்த்தியுடன் இசையமைப்பாளர் டி.இமான்

சென்னை

பார்வையற்றவரான திருமூர்த்தி இமான் இசையமைக்கும் புதிய படமொன்றில் பாடகராக அறிமுகம் ஆகிறார்.

கிருஷ்ணகிரி மாவட்டம் ஊத்தங்கரை அருகே உள்ள நொச்சிப்பட்டி எனும் கிராமத்தைச் சேர்ந்தவர் திருமூர்த்தி. பிறவியிலேயே பார்வையற்றவரான இவர், சமீபத்தில் பாடிய 'கண்ணான கண்ணே' பாடல் வீடியோ இணையத்தில் பெரும் வைரலானது. இதைப் பார்த்த இசையமைப்பாளர் இமான், அவருடைய விவரங்களைக் கேட்டு வாங்கி அவரிடம் பேசியுள்ளார். மேலும், திருமூர்த்தி பாட வாய்ப்பு அளிக்கவுள்ளதாகவும் தெரிவித்திருந்தார்.

சமீபத்தில் இமான் பங்கேற்ற ஒரு தனியார் தொலைக்காட்சி நிகழ்ச்சியில் திருமூர்த்தியை சிறப்பு விருந்தினராக அழைத்திருந்தார்கள். அப்போதுதான் இமான், திருமூர்த்தியை நேரில் பார்த்தார். கடந்த சில வருடங்களில் கிட்டத்தட்ட 140 புதிய திறமைகளை இமான் அறிமுகம் செய்துள்ளார். ஆனால் இதை, பாவப்பட்டுச் செய்யவில்லை என்றும் தெரிவித்திருந்தார்.

இந்நிலையில், ஜீவா நடிக்கும் 'சீறு' எனும் புதிய படத்தில் திருமூர்த்தி பாட உள்ளதாக, தன்னுடைய ட்விட்டர் பக்கத்தில் தெரிவித்துள்ளார் இமான். வேல்ஸ் ஃபிலிம் இண்டர்நேஷனல் நிறுவனம் தயாரிக்கும் இந்தப் படத்தை ரத்ன சிவா இயக்குகிறார். இமான் தன்னுடைய பதிவில், "தம்பி திருமூர்த்தியை பாடகராக இப்படத்தில் அறிமுகம் செய்வதில் பெரு மகிழ்ச்சி அடைகிறேன். ஆத்மார்த்தமான பாடல் விரைவில் வருகிறது," எனப் பதிவிட்டுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

டி இமான்திருமூர்த்திகண்ணான கண்ணே பாடல்நடிகர் ஜீவாசீறு திரைப்படம்இயக்குநர் ரத்ன சிவாD immanThirumurthyKannana kanne songActor jeevaSeeru movieSirector rathina siva

Sign up to receive our newsletter in your inbox every day!

You May Like

More From This Category

More From this Author