Published : 18 Oct 2019 12:27 pm

Updated : 18 Oct 2019 13:16 pm

 

Published : 18 Oct 2019 12:27 PM
Last Updated : 18 Oct 2019 01:16 PM

இந்தியில் 'திருட்டுப்பயலே 2' ரீமேக்: நாயகனாக வினீத் குமார் சிங் ஒப்பந்தம்

vineet-kumar-singh-in-thiruttu-payalae-2-hindi-remake

தமிழில் வெளியான 'திருட்டுப்பயலே 2' படம் இந்தியில் ரீமேக் ஆகிறது. சுசி கணேசன் இயக்கத்தில் வினீத் குமார் சிங் நாயகனாக நடிக்க ஒப்பந்தமாகியுள்ளார்.

பாபி சிம்ஹா, பிரசன்னா, அமலாபால் உள்ளிட்ட பலர் நடிப்பில் வெளியான படம் 'திருட்டுப்பயலே 2'. சுசி கணேசன் இயக்கத்தில் உருவான இந்தப் படம் 2017-ம் ஆண்டு நவம்பர் 30-ம் தேதி வெளியானது. இப்படம் விமர்சன ரீதியாக வரவேற்பு பெற்றாலும், வசூல் ரீதியாக வரவேற்பைப் பெறவில்லை.

தற்போது சத்தமின்றி இந்தியில் 'திருட்டுப்பயலே 2' படத்தின் ரீமேக் படப்பிடிப்பைத் தொடங்கவுள்ளார் சுசி கணேசன். இதில் பாபி சிம்ஹா கதாபாத்திரத்தில் நடிக்க வினீத் குமார் சிங் ஒப்பந்தமாகியுள்ளார். இவர் அனுராக் காஷ்யப் இயக்கிய 'கேங்ஸ் ஆஃப் வாசிப்பூர்' மற்றும் 'முக்காபாஸ்' உள்ளிட்ட பல படங்களில் நடித்துப் பெயர் பெற்றவர் என்பது குறிப்பிடத்தக்கது.

வாரணாசி மற்றும் லக்னோ ஆகிய இடங்களில் படப்பிடிப்பு நடத்த முடிவு செய்துள்ளார்கள். தீபாவளிக்குப் பிறகு இதன் படப்பிடிப்பைத் தொடங்க ஆயத்தமாகி வருகிறது படக்குழு. முன்னதாக 'திருட்டுப்பயலே' படத்தையும் இந்தியில் சுசி கணேசன் ரீமேக் செய்தது நினைவுகூரத்தக்கது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை


இயக்குநர் சுசி கணேசன்வினீத் குமார் சிங்திருட்டுப்பயலே 2திருட்டுப்பயலேபாபி சிம்ஹாஅமலா பால்திருட்டுப்பயலே 2 ரீமேக்

Sign up to receive our newsletter in your inbox every day!

You May Like

More From This Category

More From this Author