Published : 30 Sep 2019 02:49 PM
Last Updated : 30 Sep 2019 02:49 PM
சரத்குமார், ராதிகா சரத்குமார், வரலட்சுமி நடிப்பில் 'பிறந்தாள் பராசக்தி' என்ற படம் உருவாகவுள்ளது.
சரத்குமார், ராதிகா சரத்குமார் மற்றும் வரலட்சுமி மூவரும் இணைந்து எந்தவொரு படத்திலுமே நடித்ததில்லை. தற்போது இந்தக் கூட்டணி முதல் முறையாக இணைந்து நடிக்கவுள்ளது. ராதிகாவின் தயாரிப்பு நிறுவனமான ராடன் மீடியா நிறுவனமே தயாரிக்கவுள்ளது.
இது தொடர்பான டீஸர் ஒன்றை வெளியிட்டு அறிமுகப்படுத்தியுள்ளது படக்குழு. முழுக்க மதுரையைச் சுற்றியுள்ள பகுதிகளிலேயே படப்பிடிப்பு நடைபெறவுள்ளது. ஓம் விஜய் இயக்கவுள்ள இந்தப் படத்துக்கு ரகுநந்தன் இசையமைக்கவுள்ளார். வைரமுத்து பாடல்களை எழுதியுள்ளார். இந்தப் படத்துக்கு 'பிறந்தாள் பராசக்தி' எனப் பெயரிடப்பட்டுள்ளது படக்குழு.
இந்தப் படத்துக்கு முன்னதாகவே சரத்குமார் - ராதிகா சரத்குமார் இணைந்து 'வானம் கொட்டட்டும்' படத்தில் நடித்து வருகிறார்கள். மணிரத்னம் தயாரித்து வரும் இந்தப் படத்தின் இறுதிக்கட்டப் படப்பிடிப்பு நடைபெற்று வருகிறது.
’பிறந்தாள் பராசக்தி’ படக்குழு வெளியிட்டுள்ள டீஸர்
Sign up to receive our newsletter in your inbox every day!
WRITE A COMMENT