Published : 19 Sep 2019 16:52 pm

Updated : 19 Sep 2019 16:52 pm

 

Published : 19 Sep 2019 04:52 PM
Last Updated : 19 Sep 2019 04:52 PM

விஜய் தேவரகொண்டா நடிக்கும் ‘வேர்ல்டு ஃபேமஸ் லவ்வர்’

vijay-deverakonda-new-movie-title-is-world-famous-lover

விஜய் தேவரகொண்டாவின் புதிய படத்துக்கு ‘வேர்ல்டு ஃபேமஸ் லவ்வர்’ எனத் தலைப்பு வைக்கப்பட்டுள்ளது.

‘அர்ஜுன் ரெட்டி’ தெலுங்குப் படத்தின் மூலம் பிரபலமானவர் விஜய் தேவரகொண்டா. இந்தியில் ‘கபிர் சிங்’ என்றும், தமிழில் ‘ஆதித்யா வர்மா’ என்றும் இந்தப் படம் ரீமேக் செய்யப்பட்டுள்ளது. தொடர்ந்து தெலுங்குப் படங்களில் நடித்து வந்தவர், ‘நோட்டா’ படத்தின் மூலம் தமிழிலும் அறிமுகமானார்.

விஜய் தேவரகொண்டா நடிப்பில் கடைசியாக வெளியான ‘டியர் காம்ரேட்’ தெலுங்குப் படம், தமிழ், மலையாளம் மற்றும் கன்னடத்திலும் டப்பிங் செய்யப்பட்டு வெளியானது. ராஷ்மிகா மண்டன்னா ஹீரோயினாக நடித்த இந்தப் படம், ரசிகர்கள் மற்றும் விமர்சகர்களிடையே வரவேற்பைப் பெற்றது. இதன் இந்தி ரீமேக் உரிமையை பிரபல பாலிவுட் தயாரிப்பாளர் கரண் ஜோஹர் வாங்கியுள்ளார்.

‘டியர் காம்ரேட்’, கடந்த ஜூலை மாதம் வெளியானது. இந்தப் படத்துக்குப் பிறகு விஜய் தேவரகொண்டா எந்தப் படத்தில் நடிக்கப் போகிறார் என ரசிகர்கள் மட்டுமின்றி, சினிமாத்துறையினரிடமும் எதிர்பார்ப்பு நிலவியது.

இந்நிலையில், சமீபத்தில் அவருடைய புதுப்படம் குறித்த அறிவிப்பு வெளியாகியுள்ளது. ‘வேர்ல்டு ஃபேமஸ் லவ்வர்’ எனத் தலைப்பு வைக்கப்பட்டுள்ள இந்தப் படத்தை, க்ரந்தி மாதவ் கதை, வசனம் எழுதி இயக்குகிறார். க்ரியேட்டிவ் கமர்சியல்ஸ் நிறுவனம் இந்தப் படத்தைத் தயாரிக்கிறது.

விஜய் தேவரகொண்டா ஜோடியாக ஐஸ்வர்யா ராஜேஷ், ராஷி கண்ணா, கேத்ரின் தெரேசா மற்றும் இசபெல் லெய்ட்டி என 4 ஹீரோயின்கள் நடிக்கின்றனர். ரொமான்டிக் படமாக இது உருவாகிறது.

இதன் ஃபர்ஸ்ட் லுக், நாளை (செப்டம்பர் 20) மாலை 5 மணிக்கு வெளியாகிறது.

என் வாழ்க்கையை மாற்றிய படம்: பிரியதர்ஷினி ராஜ்குமார்

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை


Vijay deverakondaVijay devarakondaVijay deverakonda new movieWorld famous loverAishwarya rajeshCatherine tresaRaashi khannaவிஜய் தேவரகொண்டாவேர்ல்டு ஃபேமஸ் லவ்வர்அர்ஜுன் ரெட்டிடியர் காம்ரேட்ஆதித்யா வர்மாகபிர் சிங்க்ரந்தி மாதவ்ஐஸ்வர்யா ராஜேஷ்ராஷி கண்ணாகேத்ரின் தெரேசாஇசபெல் லெய்ட்டி

Sign up to receive our newsletter in your inbox every day!

You May Like

More From This Category

More From this Author