Published : 04 Sep 2019 14:18 pm

Updated : 04 Sep 2019 14:18 pm

 

Published : 04 Sep 2019 02:18 PM
Last Updated : 04 Sep 2019 02:18 PM

‘சங்கத்தமிழன்’ அப்டேட்: டப்பிங்கை முடித்த விஜய் சேதுபதி

vijay-sethupathi-finished-sanga-tamizhan-dubbing

‘சங்கத்தமிழன்’ படத்தின் டப்பிங் பணிகளை முடித்துக் கொடுத்துள்ளார் விஜய் சேதுபதி.

‘வாலு’, ‘ஸ்கெட்ச்’ படங்களை இயக்கிய விஜய் சந்தர், தற்போது விஜய் சேதுபதியை ஹீரோவாக வைத்து இயக்கியுள்ள படம் ‘சங்கத்தமிழன்’. ராஷி கண்ணா மற்றும் நிவேதா பெத்துராஜ் என இரண்டு ஹீரோயின்கள் இந்தப் படத்தில் நடித்துள்ளனர்.

விஜய் சேதுபதி முதன்முறையாக இரண்டு வேடங்களில் நடித்துள்ள இந்தப் படம், வருகிற தீபாவளிக்கு ரிலீஸாகும் என அறிவிக்கப்பட்டுள்ளது. ஆனால், ‘பிகில்’ மற்றும் ‘கைதி’ என இரண்டு படங்கள் தீபாவளிக்கு ரிலீஸாவதால், அதற்கு முன்னரே ‘சங்கத்தமிழன்’ படத்தை ரிலீஸ் செய்யலாம் என்ற ஆலோசனையில் இறங்கியுள்ளது படக்குழு.

எனவே, படத்தின் போஸ்ட் புரொடக்‌ஷன் பணிகளை விரைவாக மேற்கொண்டு வருகின்றனர். அதன்படி, தன்னுடைய டப்பிங் பணிகளை உடனடியாக முடித்துக் கொடுத்துள்ளார் விஜய் சேதுபதி. இந்தத் தகவலை ட்விட்டரில் பகிர்ந்துள்ள விஜய் சந்தர், விரைவில் இசை வெளியீடு என்ற தகவலையும் தெரிவித்துள்ளார்.

விஜய் சேதுபதி நடிப்பில் உருவாகியுள்ள ‘மாமனிதன்’ படத்தையும் அடுத்த மாதம் (அக்டோபர்) வெளியிட முடிவு செய்துள்ளனர். சீனு ராமசாமி இயக்கியுள்ள இந்தப் படத்தில், ஹீரோயினாக காயத்ரி நடித்துள்ளார். இளையராஜா - யுவன் ஷங்கர் ராஜா இருவரும் இணைந்து இந்தப் படத்துக்கு இசையமைத்துள்ளனர்.

இதனால், விஜய் சேதுபதி நடிப்பில் இரண்டு படங்கள் ஒரே மாதத்தில் ரிலீஸாகலாம் என்ற சூழ்நிலை உருவாகியுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

சங்கத்தமிழன்விஜய் சேதுபதிவிஜய் சந்தர்ராஷி கண்ணாநிவேதா பெத்துராஜ்Vijay sethupathiSanga tamizhanVijay chandarRaashi khannaNivetha pethuraj

Sign up to receive our newsletter in your inbox every day!

You May Like

More From This Category

More From this Author