Published : 04 Feb 2015 14:54 pm

Updated : 04 Feb 2015 14:54 pm

 

Published : 04 Feb 2015 02:54 PM
Last Updated : 04 Feb 2015 02:54 PM

சூர்யாவுக்கு ஜோடியாக அமலாபால்

பாண்டியராஜ் இயக்கத்தில் உருவாகி வரும் குழந்தைகள் படத்தில், சூர்யாவுக்கு ஜோடியாக அமலாபால் ஒப்பந்தமாகி இருக்கிறார்.

சிம்பு நடிப்பில் 'இது நம்ம ஆளு' படத்தை இயக்கி வருகிறார் பாண்டிராஜ். அப்படத்தின் படப்பிடிப்பு தாமதமாகி வரும் காரணத்தால் சூர்யாவின் தயாரிப்பில் ஒரு குழந்தைகளுக்கான படத்தை இயக்கி வருகிறார்.

இப்படத்தின் முதற்கட்ட படப்பிடிப்பு முடிவுற்று இருக்கிறது. இப்படத்தில் பிந்து மாதவி முக்கிய பாத்திரத்தில் நடித்து வருவது குறிப்பிடத்தக்கது.

இந்நிலையில், இப்படத்தில் சூர்யாவும் கெஸ்ட் ரோலில் நடிக்கவிருக்கிறார். அவருக்கு ஜோடியாக நடிக்க அமலா பால் ஒப்பந்தமாகி இருக்கிறார். 'வேலையில்லா பட்டதாரி' படத்தில் கல்யாணத்துக்கு முன்பு நடித்தாலும், கல்யாணத்துக்கு பிறகு வெளியானது. ஆகையால், அமலா பால் திருமணத்திற்கு பிறகு ஒப்பந்தமாகி இருக்கும் முதல் தமிழ் படம் இது என்பது குறிப்பிடத்தக்கது.

'இது நம்ம ஆளு' முழுப் படப்பிடிப்பையும் முடித்துவிட்டு, இக்குழந்தைகள் படத்தில் கவனம் செலுத்த திட்டமிட்டு இருக்கிறார் இயக்குநர் பாண்டிராஜ். இப்படத்திற்கு இன்னும் பெயரிடப்படவில்லை.

இயக்குநர் பாண்டிராஜ்சூர்யாஅமலா பால்பிந்து மாதவி

You May Like

More From This Category

More From this Author