Published : 05 Jan 2016 05:38 PM
Last Updated : 05 Jan 2016 05:38 PM
சென்னை சர்வதேச பட விழா | ஐநாக்ஸ் 3| 6.1.2016 படங்களின் அறிமுகப் பார்வை
சென்னை 13-வது சர்வதேச பட விழாவில் புதன்கிழமை ஐநாக்ஸ் 3 அரங்கில் திரையிடப்படும் படங்களில் அறிமுகக் குறிப்புகள் இவை »
காலை 10.15 மணி
Prince Dir.: Sam de Jong Netherlands|2015|78’
ஆம்ஸ்டர்டாம் நகரில் நிழலான காரியங்களில் ஈடுபடும் கூட்டத்தில் ஒருவன் இளைஞன் பிரின்ஸ். அவன் வாழ்க்கை எப்படி தவறான வழியில் செல்கிறதோ அதேபோலவே , தான் காதலிக்கும் பெண்ண அடைய அவன் தவறான பாதைக்கே செல்கிறான். அயூப் என்ற அந்தப் பெண் ஏற்கெனவே தவறான கூட்டத்தில் சிக்கியிருப்பவள். அயூப் பாதி நெதர்லாந்து பாதி மொராக்கா வம்சாவழியைச் சேர்ந்தவள். ஒரு கொள்ளைக்கூட்டத்தின் வயதான தலைவனிடம் மோகங்கொண்டு திரியும் அவளை தன்வழிக்குக் கொண்டுவர பிரின்ஸ் சகல வேலைகளிலும் ஈடுபடுகிறான்.
மதியம் 12.15 மணி
Pioneer Heroes |Pionery-geroi Dir.:Natalya Kudryashova Russia|2015|116’
1987-ல் ஒலேகா நகரைச் சேர்ந்த கத்யாவும் ஆந்த்ரேயும் ஒரே பள்ளியில் ஒரே வகுப்பில் ஒன்றாகப் படித்தவர்கள். அவர்கள் இருவரும் ஒருங்கிணைந்த சோவியத் ரஷ்யாவுக்காக உயிரையும் கொடுக்க வேண்டும் என்ற எண்ணத்தை வளர்த்துக்கொண்டவர்கள். ஆனால் பிற்காலத்தில் எல்லாமும் மாறிவிடுகிறது.
30 வயதைத் தொடும்போது அவர்களில் காத்யா ஒரு நடிகையாக இருக்கிறாள். அவள் ஏற்கெனவே திருமணமான இளைஞனை காதலிக்கிறாள். ஆந்த்ரே ஒரு அரசியல் விமர்சகனாக இருக்கிறான். தன்னுடைய வேலைச் சுமையிலிருந்து விடுபட வீடியோ விளையாட்டை நாடுகிறான். அவர்கள் இப்போதுள்ள தங்கள் நாட்டில் காணும் உண்மை இயல்பு வேறாக இருக்கிறது.
1987-ஐ தூரத்திலிருந்து காணும்போது இன்று அவர்கள் வாழ்க்கை வெற்றிகரமானதுதான். ஆனால் அப்போது அவர்கள் கண்ட கனவுக்கே சம்பந்தமில்லாத வெற்றி.. வீரதீரத் தலைவர்கள் போல ஆவது என்னும் சிந்தனைக்கே சம்பந்தமேயில்லாத வாழ்க்கை.
மனிதனை சாவிலிருந்து தப்பிக்கவைக்கும் மாத்திரையை கண்டுபிடிக்க வேண்டும் என்பதுதான் ஆந்த்தேரேவின் ஆரம்பகால லட்சியக் கனவு. அதேபோல நாட்டுக்கு உழைத்த முன்னோடித் தலைவராக வேண்டுமென்பதுதான் காத்யாவின் கனவும். ஆனால் அவளுடைய தாத்தா அரசாங்கத்தை ஏமாற்றும் ஒரு கள்ளச்சாராய வியாபாரி என்பதைக் பின்னர் கண்டறிகிறாள். இதனால் அவள் மிகவும் மனமுடைந்துபோகிறாள்.
அவளுக்கு இப்போதெல்லாம் முன்னோடி தலைவராவது மற்றும் லட்சியம் குறித்த கனவு என்பதெல்லாம் இரவில் ஒரு பேய்க்கனவு போலத்தான் வருகிறது.
லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow
FOLLOW US
Sign up to receive our newsletter in your inbox every day!
WRITE A COMMENT