Published : 28 Jun 2019 10:46 am

Updated : 28 Jun 2019 10:46 am

 

Published : 28 Jun 2019 10:46 AM
Last Updated : 28 Jun 2019 10:46 AM

‘காப்பான்’ தெலுங்குப் பதிப்பின் தலைப்பு ‘பந்தோபஸ்த்’

‘காப்பான்’ படத்தின் தெலுங்கு வெர்ஷனுக்கு ‘பந்தோபஸ்த்’ எனத் தலைப்பு வைக்கப்பட்டுள்ளது.

கே.வி.ஆனந்த் இயக்கத்தில் சூர்யா நடித்துவரும் படம் ‘காப்பான்’. சயீஷா ஹீரோயினாக நடிக்கும் இந்தப் படத்தில், மோகன்லால், ஆர்யா, பொமன் இரானி, சமுத்திரக்கனி, பிரேம், பூர்ணா ஆகியோர் முக்கியக் கதாபாத்திரங்களில் நடிக்கின்றனர்.

லைகா புரொடக்‌ஷன்ஸ் சார்பில் சுபாஸ்கரன் இந்தப் படத்தைத் தயாரிக்கிறார். ஹாரிஸ் ஜெயராஜ் இசையமைக்க, விவேக் பாடல்கள் எழுதுகிறார். கே.வி.ஆனந்த், பட்டுக்கோட்டை பிரபாகர், கபிலன் வைரமுத்து மூவரும் இந்தப் படத்தின் திரைக்கதையை எழுதியுள்ளனர்.

சூர்யாவின் 37-வது படமான இதில், இந்தியப் பிரதமராக மோகன்லாலும், அவருடைய பாதுகாப்பு அதிகாரியாக சூர்யாவும் நடிக்கின்றனர். கடந்த வருடம் (2018) ஜூன் 25-ம் தேதி இதன் படப்பிடிப்பு லண்டனில் தொடங்கியது. வருகிற ஆகஸ்ட் 30-ம் தேதி படம் ரிலீஸாகும் என அறிவிக்கப்பட்டுள்ளது.

தமிழ் மட்டுமின்றி தெலுங்கிலும் இந்தப் படம் ரிலீஸாக இருக்கிறது. எனவே, தெலுங்கில் இந்தப் படத்தின் தலைப்பு என்னவென்று நேற்று (ஜூன் 27) அறிவிக்கப்படும் எனக் கூறியிருந்தனர். இயக்குநர் எஸ்.எஸ்.ராஜமெளலி ட்விட்டரில் தலைப்பை அறிவிப்பதாக இருந்தது.

ஆனால், நடிகையும் இயக்குநருமான விஜய நிர்மலா காலமானதால், தெலுங்கு தலைப்பின் அறிவிப்பு நாளை (இன்று) தள்ளி வைக்கப்பட்டுள்ளது என்று கே.வி.ஆனந்த் ட்விட்டரில் தெரிவித்துள்ளார்.

இந்நிலையில், இன்று (ஜூலை 28) காலை 10 மணிக்கு தெலுங்குத் தலைப்புடன் கூடிய போஸ்டரை ட்விட்டரில் வெளியிட்டுள்ளார் எஸ்.எஸ்.ராஜமெளலி. தெலுங்கில் ‘பந்தோபஸ்த்’ எனத் தலைப்பு வைத்துள்ளனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

காப்பான்பந்தோபஸ்த்கே.வி.ஆனந்த்நடிகர் சூர்யாசயீஷாமோகன்லான்விஜய நிர்மலாஎஸ்.எஸ்.ராஜமெளலி

Sign up to receive our newsletter in your inbox every day!

You May Like

More From This Category

More From this Author