Published : 30 Apr 2019 14:21 pm

Updated : 30 Apr 2019 14:21 pm

 

Published : 30 Apr 2019 02:21 PM
Last Updated : 30 Apr 2019 02:21 PM

அதர்வா - ஹன்சிகா படத்தின் ரிலீஸ் தேதி தள்ளிவைப்பு

அதர்வா நடித்துள்ள ‘100’ படத்தின் ரிலீஸ் தேதி, மே 9-ம் தேதிக்குத் தள்ளி வைக்கப்பட்டுள்ளது.

‘டார்லிங்’, ‘எனக்கு இன்னொரு பேர் இருக்கு’ படங்களை இயக்கியுள்ள சாம் ஆண்டன், மூன்றாவதாக இயக்கியுள்ள படம் ‘100’. அதர்வா ஹீரோவாக நடித்துள்ள இந்தப் படத்தில், அவருக்கு ஜோடியாக ஹன்சிகா மோத்வானி நடித்துள்ளார்.

யோகி பாபு, ராதாரவி, மைம் கோபி, ராகுல் தேவ், ரமேஷ் கண்ணா, மதுமிதா, விடிவி கணேஷ் ஆகியோர் முக்கியக் கதாபாத்திரங்களில் நடித்துள்ளனர். ஆர்.டி.ராஜசேகர் ஒளிப்பதிவு செய்துள்ள இந்தப் படத்துக்கு, சாம் சி.எஸ். இசையமைத்துள்ளார்.

ஆரா சினிமாஸ் நிறுவனம் தயாரித்துள்ள இந்தப் படத்தின் படப்பிடிப்பு, கடந்த வருடம் (2018) ஜூலை மாதம் நிறைவு பெற்றது. காவல் கட்டுப்பாட்டு அறைக்கு வரும் அவசர தொலைபேசிகளைக் (எண் 100) கேட்டு, அவர்களுக்கு உதவும் காவலர்களைப் பற்றிய படம் இது. எனவேதான் படத்துக்கு ‘100’ எனத் தலைப்பு வைத்துள்ளனர்.

இந்தப் படம், வருகிற மே 3-ம் தேதி (வெள்ளிக்கிழமை) ரிலீஸாகும் என அறிவிக்கப்பட்டது. இந்நிலையில், தற்போது படத்தின் ரிலீஸ் தேதியை அடுத்த வாரத்துக்கு மாற்றியுள்ளனர். மே 3-ம் தேதிக்குப் பதிலாக, மே 9-ம் தேதி (வியாழக்கிழமை) படம் ரிலீஸாகும் என அதிகாரபூர்வமாக அறிவித்துள்ளனர்.

எனவே, இந்த வாரம் கெளதம் கார்த்திக் நடித்துள்ள ‘தேவராட்டம்’ (மே 1), அருள்நிதி நடித்துள்ள ‘கே 13’ (மே 3) ஆகிய இரண்டு படங்கள் மட்டுமே ரிலீஸாகின்றன.

பட ரிலீஸுக்கு 2 நாட்களுக்கு முன்பு ரிலீஸ் தேதி மாற்றியமைக்கப்பட்டிருப்பது, சினிமா வட்டாரத்தில் அதிர்ச்சியை ஏற்படுத்தியுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

    அதர்வாஹன்சிகா100சாம் ஆண்டன்யோகி பாபுதமிழ் சினிமா

    Sign up to receive our newsletter in your inbox every day!

    You May Like

    More From This Category

    More From this Author