கிராபிக்ஸ் பணிகளில் தாமதம்: ஜீவாவின் ‘அகத்தியா’ ரிலீஸ் தள்ளிவைப்பு

சென்னை: கிராபிக்ஸ் பணிகளில் தாமதம் ஏற்பட்டுள்ளதால் ஜீவா நடித்துள்ள ’அகத்தியா’ படத்தின் ரிலீஸ் தேதியை படக்குழு தள்ளிவைத்துள்ளது

பாடலாசிரியர் பா.விஜய் இயக்கும் புதிய படத்தில் ஜீவா நடிக்கிறார். உலக அளவில் பிரபலமான ‘ஏஞ்சல்ஸ் வெர்சஸ் டெவில்’ கதைக்கருவுடன் உருவாகும் இந்த படத்துக்கு ‘அகத்தியா’ என்று தலைப்பிடப்பட்டுள்ளது. ஹாரர் த்ரில்லர் படமான இதனை வேல்ஸ் ஃபிலிம் இன்டர்நேஷனல் நிறுவனம் தயாரிக்கிறது. இதில் அர்ஜுன், ராஷி கண்ணா உள்ளிட்டோர் நடித்துள்ளனர். இதற்கான டைட்டில் அறிவிப்பு போஸ்டரை படக்குழு வெளியிட்டுள்ளது. இப்படம் தமிழ், தெலுங்கு மற்றும் இந்தி ஆகிய மொழிகளில் ஜனவரி 31 திரையரங்குகளில் வெளியாகும் என்று அறிவிக்கப்பட்டிருந்தது.

இந்த நிலையில் கிராபிக்ஸ் பணிகளில் தாமதம் ஏற்பட்டுள்ளதால் இப்படத்தின் ரிலீஸ் தேதியை படக்குழு தள்ளிவைத்துள்ளது. அதன்படி இப்படம் வரும் பிப்ரவரி 28 அன்று வெளியாக உள்ளதாக அறிவிக்கப்பட்டுள்ளது.