உண்மை சம்பவ பின்னணியில் ‘துணிந்தவன்’!

இந்திரன்ஸ், ஜாபர், ஜானி ஆண்டனி, ஐ.என்.விஜயன், சுதீஷ், டயானா ஹமீத், அபர்ணா சிவதாஸ் உட்பட பலர் நடித்துள்ள படத்துக்கு 'துணிந்தவன்' என்று தலைப்பு வைத்துள்ளனர். இதை சுஜீஷ் தக்‌ஷணா காசி - ஹரிநாராயணன் இயக்கியுள்ளனர்.

தக்‌ஷணா காசி புரொடக்‌ஷன்ஸ் தயாரித்துள்ள இந்தப் படத்துக்கு செல்வகுமார் ஒளிப்பதிவு செய்துள்ளார். உன்னி நம்பியார் இசையமைத்துள்ளார்.

இந்தப் படம் மலையாளத்தில் ‘ஒறும்பேட்டவன்’ என்ற பெயரில் ஜன. 3-ம் தேதி வெளியாகிறது. ஜனவரி 2-ம் வாரம் தமிழில் வெளியாகிறது. 10 வயது சிறுமியை மையப்படுத்திய கதை இது. சிறுமியாகத் தயாரிப்பாளரின் மகள் காஷ்மீரா நடித்துள்ளார். உண்மைச் சம்பவத்தின் அடிப்படையில் உருவாகியுள்ள படம் இது.