கொச்சி: நடிகை அமலா பால் தமிழில், மைனா, தெய்வத்திருமகள், தலைவா, வேலையில்லா பட்டதாரி, ஆடை உட்பட பல படங்களில் நடித்துள்லார். மலையாளம், தெலுங்கு படங்களிலும் நடித்துள்ளார். இவர் இயக்குநர் விஜய்யை காதலித்து கடந்த 2014-ம் ஆண்டு திருமணம் செய்துகொண்டார். திருமணத்துக்குப் பின் சினிமாவில் நடித்து வந்த அமலா பால், விஜய்யுடன் ஏற்பட்ட கருத்து வேறுபாடு காரணமாக 2017-ம் ஆண்டு விவாகரத்து செய்தார்.
இந்நிலையில் அக். 26-ம் தேதி அமலா பால் தனது 32-வது பிறந்தநாளை கொண்டாடினார். அன்று அவர் நண்பர் ஜெகத் தேசாய், காதலை வெளிப்படுத்தி அவருக்கு மோதிரம் அணிவித்த வீடியோவை பதிவிட்டிருந்தார். இருவருக்கும் விரைவில் திருமணம் நடக்க இருப்பதாகவும் தகவல் வெளியானது.
இந்நிலையில் தற்போது கொச்சியில் உள்ள நட்சத்திர ஓட்டல் ஒன்றில் இவர்கள் திருமணம் நடந்துள்ளது. இதன் புகைப்படங்களை வெளியிட்டு இன்ஸ்டாகிராமில் அறிவித்துள்ளனர். இவர்களுக்கு ரசிகர்கள் மற்றும் திரையுலகினர் வாழ்த்துகளைக் கூறி வருகின்றனர்.