புதுடெல்லி: மத்திய வேளாண் அமைச்சகம் நேற்று வெளியிட்ட புள்ளிவிவரத்தில் கூறியிருப்பதாவது: 2024-25 ஆண்டில் நெல்,கோதுமை, சோயாபீன்ஸ், நிலக்கடலை உள்ளிட்ட உணவு தானியங்களின் உற்பத்தி சாதனை அளவாக 357.32 மில்லியன் டன்னை தொட்டுள்ளது.
இது, முந்தைய 2023-24 உணவு தானிய உற்பத்தியான 332.29 மில்லியன் டன்னுடன் ஒப்பிடும்போது 7.65 சதவீதம் அதிகமாகும். 2024-25 காரீப் பருவத்தில் நெல் உற்பத்தி 122.77 மில்லியன் டன்னை எட்டி சாதனை படைத்துள்ளது. இது, முந்தைய ஆண்டு உற்பத்தியான 113.25 மில்லியன் டன்னுடன் ஒப்பிடும்போது 8.39 சதவீதம் அதிகமாகும்.
இதேகாலத்தில் கோதுமை 117.94 மில்லியன் டன், சோயாபீன்ஸ் 15.26 மில்லியன் டன், நிலக்கடலை 11.9 மில்லியன் டன் உற்பத்தியாகி புதிய உச்சத்தை எட்டியுள்ளது. இவ்வாறு புள்ளிவிவரத்தில் கூறப்பட்டுள்ளது.
