வெள்ளி விலை உயர்வு
சென்னை: சென்னையில் இன்று (ஜன.14) 22 காரட் ஆபரணத் தங்கத்தின் விலை பவுனுக்கு ரூ.880 அதிகரித்துள்ளது. அதேபோல் வெள்ளியின் விலை ஒரு கிராம் ரூ.300-ஐ கடந்து புதிய உச்சம் தொட்டுள்ளது.
சர்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில், தங்கத்தின் விலை நிர்ணயிக்கப்படுகிறது. கடந்த சில மாதங்களாகவே தங்கம் விலை அதிகரித்துவருகிறது. சில நேரங்களில் விலை குறைந்தாலும், மீண்டும உயர்ந்து விடுகிறது.
அந்தவகையில் இன்றும் தங்கம் விலை அதிரடியாக உயர்ந்துள்ளது. அதன்படி, 22 காரட் தங்கம் விலை கிராமுக்கு ரூ.110 உயர்ந்து ஒரு கிராம் ரூ.13,280-க்கும், பவுனுக்கு ரூ.880 உயர்ந்து ஒரு பவுன் ரூ.1,06,240-க்கும் விற்பனை செய்யப்படுகிறது.
அதே போல 18 காரட் தங்கம் விலை கிராமுக்கு ரூ.100 உயர்ந்து ஒரு கிராம் ரூ.11.080க்கும், பவுனுக்கு ரூ.8000 உயர்ந்து ஒரு சவரன் ரூ.88,640-க்கும் விற்பனை செய்யப்படுகிறது.
மிரட்டும் வெள்ளி! வெள்ளி விலை ஒரே நாளில் கிராமுக்கு ரூ.15 உயர்ந்து புதிய உச்சமாக ஒரு கிராம் ரூ.307-க்கும், கிலோவுக்கு ரூ.15,000 உயர்ந்து ஒரு கிலோ ரூ.3,07,000-க்கும் விற்பனை செய்யப்படுகிறது.