சென்னை: 22 காரட் ஆபரணத் தங்கத்தின் விலை சென்னையில் இன்று (டிச.19) பவுனுக்கு ரூ.480 என குறைந்தது. கடந்த சில நாட்களுக்கு முன்பு ஒரு பவுன் தங்கம் ரூ.1 லட்சம் என சந்தையில் விற்பனையானது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில், தங்கத்தின் விலை நிர்ணயிக்கப்படுகிறது. அமெரிக்காவில் இறக்குமதி செய்யப்படும் இந்திய பொருட்களுக்கு 50 சதவீதம் வரி விதிப்பு, அமெரிக்க டாலருக்கு நிகரான இந்திய ரூபாயின் மதிப்பின் தொடர் சரிவு உள்ளிட்ட காரணங்களால், தங்கம் விலை உயர்ந்தும், குறைந்தும் வருகிறது.
கடந்த 15-ம் தேதி 22 காரட் ஆபரணத் தங்கம் ஒரு பவுன் ரூ.1,00,120 என விற்பனையானது. 16-ம் தேதி ரூ.98,800, 17-ம் தேதி ரூ.99,200, 18-ம் தேதி ரூ.99,520 என தங்கம் விலை ஏற்ற இறக்கத்துடன் இருந்தது. இந்நிலையில், இன்று தங்கம் விலை குறைந்துள்ளது.
சென்னையில் 22 காரட் தங்கத்தின் விலை இன்று (டிச.19) கிராமுக்கு ரூ.60 குறைந்து, ஒரு கிராம் ரூ.12,380-க்கும், பவுனுக்கு ரூ.480 குறைந்து ஒரு பவுன் ரூ.99,040-க்கும் விற்பனை ஆகிறது. வரும் நாட்களில் தங்கம் விலை உயர வாய்ப்புள்ளதாக வணிக துறை வல்லுநர்கள் கணித்துள்ளனர். சென்னையில் 24 காரட் தங்கம் ஒரு பவுன் ரூ.1,08,048 மற்றும் 18 காரட் தங்கம் ஒரு பவுன் ரூ.82,640-க்கும் விற்பனை ஆகிறது.
வெள்ளி விலை சரிவு: வெள்ளி விலை சென்னையில் இன்று காலை, கிராமுக்கு ரூ.3-ம், கிலோவுக்கு ரூ.3,000 குறைந்து, ஒரு கிராம் ரூ.221-க்கும், ஒரு கிலோ ரூ.2,21,000-க்கும் விற்பனை ஆகிறது.
