சென்னை: சென்னையில் ஆபரணத் தங்கத்தின் விலை இன்று (மே 11) எந்தவித மாற்றமுமின்றி சவரன் ரூ.45,936-க்கு விற்பனையாகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த வாரத்தில் ஏற்ற இறக்கம் கண்டு வந்த தங்கம் மே.3 ஆம் தேதி அதிரடியாக ரூ.728 உயர்ந்தது. தொடர்ந்து மறுநாள் சவரனுக்கு ரூ.352 அதிகரித்து, ரூ.46,000 என்ற புதிய உச்சத்தை எட்டியது.
இந்தநிலையில், சென்னையில் ஆபரணத் தங்கத்தின் விலை இன்று (வியாழக்கிழமை) எந்தவித மாற்றமும் இன்றி நேற்றைய விலையில் விற்பனையாகிறது. அதன்படி ஒரு கிராம் ரூ.5,742-க்கு விற்பனையாகிறது. சவரன் ரூ.45,936-க்கு விற்பனையாகிறது.
24 காரட் சுத்த தங்கத்தின் விலை நேற்றைய விலையான 8 கிராம் ரூ.49,736 -க்கு விற்பனையாகிறது. இதேபோல், ஒரு கிராம் வெள்ளி விலை 70 காசுகள் குறைந்து ரூ.82.00-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.82,000-ஆக இருக்கிறது.