Published : 07 Nov 2022 07:29 AM
Last Updated : 07 Nov 2022 07:29 AM

பாங்க் ஆஃப் இந்தியா நிகர லாபம் 71% உயர்வு

சென்னை: பாங்க் ஆஃப் இந்தியா செப்.30-ம் தேதியுடன் முடிவடைந்த 2-வது காலாண்டுக்கான நிதிநிலை முடிவுகளை வெளியிட்டுள்ளது. அதன்படி வங்கியின் செயல்பாட்டு வரம்புகளின் காரணமாக நிகர லாபம் 71 சதவீதம் உயர்ந்து ரூ.960 கோடியாக உள்ளது. இருப்பினும், ஆண்டு அடிப்படையில் பார்க்கும்போது நிகர லாபம் ரூ.1051 கோடியிலிருந்து 8 % குறைந்து ரூ.960 கோடியாக உள்ளது.

அதேபோல செயல்பாட்டு லாபம் 26% உயர்ந்து ரூ.3,374 கோடியாக உள்ளது. ஆண்டு அடிப்படையில் இது 55% வளர்ச்சியாகும். மேலும் சொத்து மீதான வருவாய், பங்கு மீதான வருவாய் முறையே 18 மற்றும் 321 அடிப்படை புள்ளிகளாக அதிகரித்துள்ளது. வங்கியின் நிகர வட்டி வரம்பு 3.04 சதவீதத்திலிருந்து 49 அடிப்படை புள்ளிகள் வளர்ச்சி பெற்றுள்ளது. நிகர வட்டி வருவாய் ஆண்டுக்கணக்கில் 44% உயர்ந்து ரூ.5,083 கோடியாக உள்ளது. அட்வான்ஸ் மீதான வருவாய் 7.21% உயர்ந்துள்ளது. நடப்பு கணக்கு, சேமிப்பு கணக்கு வைப்புத் தொகை ஆண்டு அடிப்படையில் 4.05% வளர்ச்சி பெற்றுள்ளது. இது மொத்த வைப்புத் தொகையில் 44.21% ஆகும்.

வாராக் கடன்களை மீட்பதிலும் வங்கி பல படிகள் முன்னேறியுள்ளது. மொத்த வாராக்கடன் 8.51 சதவீதமாகவும், நிகர வாராக்கடன் அளவு 1.92 சதவீதமாகவும் இருக்கிறது. இவ்வாறு செய்திக்குறிப்பில் தெரிவிக்கப்பட்டுள்ளது.


தவறவிடாதீர்!

Sign up to receive our newsletter in your inbox every day!

 
x