வருமான வரி கணக்கு தாக்கல் செய்ய ஒவ்வொரு ஆண்டும் ஜூலை 31 கடைசி நாளாக நிர்ணயிக்கப்படும். இந்த ஆண்டும் ஜூலை 31-ம் தேதிக்குள் தாக்கல் செய்ய கடைசி நாளாக அறிவிக்கப்பட்டுள்ளது. கணக்கு தாக்கல் செய்ய எந்த பிரிவினருக்கு எந்த படிவம் என்ற விவரங்களை பார்க்கலாம்.
ஐடிஆர்-1 படிவம்
குடியுரிமை பெற்ற இந்தியர்களாக இருந்து மொத்த வருமானம் அதிகபட்சமாக ரூ.50 லட்சமாக இருப்பவர்களுக்கானது இந்த படிவம். அதற்கு மேல் வருவாய் உள்ளவர்கள் ஐடிஆர்-1 படிவத்தை பயன்படுத்தத முடியாது.
ஓய்வூதியம் அல்லது சம்பளம் பெறுபவர்கள், சொந்தமாக ஒரு வீடு மட்டும் வைத்திருந்து அதிலிருந்து வருமானம் பெறுபவராக இருக்கலாம். விவசாயத்திலிருந்து ரூ. 5,000க்கு மிகாமல் வருமானம் பெறுபவர்கள் அல்லது பெற்றவர்கள். லாட்டரி அல்லது குதிரைப் பந்தயங்கள் போன்ற பிற ஆதாரங்களில் இருந்து வெற்றி பெற்ற வருமானம் ரூ.50 லட்சம் வரை இருந்தால் இந்த படிவத்தை பயன்படுத்தி வருமான வரி கணக்கை தாக்கல் செய்ய இயலும்.
ஐடிஆர் 2 படிவம்
வரி செலுத்துபவரின் வருமானம் ரூ.50 லட்சத்திற்கு அதிகமாகவும் 2 கோடிக்கு குறைவாக இருக்க வேண்டும். சம்பளம், ஓய்வூதியம் , வீட்டுச் சொத்திலிருந்து கிடைக்கும் வருமானம், லாட்டரி அல்லது குதிரைப் பந்தயம் போன்ற ஆதாரங்களில் இருந்து கிடைக்கும் வருமானம் ரூ.50 லட்சத்திற்கு அதிகமாக இருக்க வேண்டும். விவசாய வருமானம் ரூ.5,000க்கு மேல் இருந்தால் இப்படிவத்தை நிரப்பலாம். வரி செலுத்துபவர் ஒரு நிறுவனத்தின் இயக்குநராக இருக்கலாம்.
மூலதன ஆதாயத்திலிருந்து கிடைக்கும் வருவாய் 50 லட்சத்திற்கு மேல் இருந்தால், நிதியாண்டில் பட்டியலிடப்படாத ஈக்விட்டி பத்திரங்களில் ஏதேனும் முதலீடுகள் செய்தவர்கள், வெளிநாட்டு சொத்துக்கள் மற்றும் வெளிநாட்டு வருமானம் மூலம் வருமானம் கிடைப்பவர்கள் இந்த படிவத்தை நிரப்பி கணக்கு தாக்கல் செய்ய வேண்டும்.
ஐடிஆர்3 படிவம்
சம்பளம் அல்லது ஓய்வூதியம், வீட்டுச் சொத்து அல்லது பிற வருமான ஆதாரங்களில் இருந்து தனிநபர்கள் மற்றும் இந்து பிரிக்கப்படாத குடும்பங்கள் ரூ.2 கோடிக்கு மேல் பெற்றால் ஐடிஆர் 3 படிவம் நிரப்ப வேண்டும்.
ஒரு வணிகம் அல்லது தொழிலில் இருந்து லாபத்தை உருவாக்கும் தனிநபர்கள், ஒரு நிதியாண்டில் பட்டியலிடப்படாத பங்கு பங்குகளில் ஏதேனும் முதலீடு செய்யதவர்கள், ஒரு நிறுவனத்தில் பங்குதாரராக இயக்குநராக இருந்தால் இந்த படிவத்தை பயன்படுத்த தகுதி பெறுவர்.
ஐடிஆர் 4 படிவம்
இந்தியாவில் வசிக்கும் தனிநபர்கள், இந்து கூட்டுக்குடும்பங்கள் மற்றும் கூட்டாண்மை நிறுவனங்கள் ஒரு வணிகம் அல்லது தொழிலில் இருந்து 2 கோடிக்கு மேல் வருமானம் பெற்றால், அவர்கள் ஐடிஆர்-4 ஐ தேர்ந்தெடுக்க வேண்டும்.
வரையறுக்கப்பட்ட பொறுப்புக் கூட்டாண்மை நிறுவனங்கள் இந்த வகை ஐடிஆர் படிவத்தைத் தேர்ந்தெடுக்க முடியாது. வருமான வரிச் சட்டம் 1961 இன் பிரிவு 44ADA, பிரிவு 44AD மற்றும் பிரிவு 44AE ஆகியவற்றின் கீழ் அனுமான வருமானத் திட்டத்தைத் தேர்ந்தெடுத்த வரி செலுத்துவோர் இந்தப் படிவத்தையும் தேர்ந்தெடுக்கலாம்.
ஐடிஆர் 5 படிவம்
செயற்கை ஜூரிடிகல் நபர் (ஏஜேபி), வணிக அறக்கட்டளைகள், திவாலான சொத்து வைத்திருப்பவர்கள், இறந்தவரின் சொத்து வைத்திருப்பவர்கள் , மக்கள் இயக்கங்கள் (ஏஓபிஎஸ்), எல்எல்பிகள் மற்றும் நிறுவனங்கள் இந்த படிவத்தை பயன்படுத்தலாம்.
ஐடிஆர் 6 படிவம்
ஐடிஆர்-6 என்பது வருமான வரிச் சட்டம், 1961 இன் பிரிவு 11 தொடர்பான விதிவிலக்குகளைக் கோராத எந்தவொரு நிறுவனத்திற்கும் பொருந்தும். இந்தப் பிரிவின் கீழ் வருமான வரிக் கணக்கைத் தாக்கல் செய்யும் நிறுவனங்கள் அதை மின்னணு முறையில் மட்டுமே செய்ய முடியும்.