எஸ்பிஐ நிகர லாபம் 66% சரிவு

பாரத ஸ்டேட் வங்கி யின் (எஸ்பிஐ) மார்ச் காலாண்டு நிகர லாபம் 66 சத வீதம் சரிந்து ரூ.1,263 கோடியாக இருக்கிறது. கடந்த வருடம் இதே காலாண்டில் ரூ.3,742 கோடியாக நிகர லாபம் இருந்தது.

நான்காம் காலாண்டில் மொத்த வருமானம் உயர்ந்துள்ளது. கடந்த வருடம் மார்ச் காலாண்டில் 48,616 கோடி ரூபாயாக இருந்த மொத்த வருமானம் இப்போது 53,526 கோடி ரூபாயாக உயர்ந்திருக்கிறது.

வாராக்கடனுக்காக ஒதுக்கிய தொகை இரு மடங்குக்கு மேல் அதிகரித்திருக்கிறது. கடந்த வருடம் மார்ச் காலாண்டில் 4,985 கோடி ரூபாய் ஒதுக்கப்பட்ட நிலையில் இப்போது 12,139 கோடி ரூபாய் ஒதுக்கப்பட்டிருக்கிறது. கடந்த நிதி ஆண்டில் ஒட்டுமொத்தமாக ரூ.29,483 கோடி ஒதுக்கீடு செய்யப்பட்டுள்ளது. இதில் வாராக்கடனுக்காக மட்டும் ரூ.26,984 கோடி ஒதுக்கீடு செய்யப்பட்டுள்ளது.

ஒட்டு மொத்த நிதி ஆண்டில் நிகர லாபம் 24 சதவீதம் சரிந்தி ருக்கிறது. கடந்த 2015-16-ம் நிதி ஆண்டில் ரூ. 9,950 கோடி நிகர லாபமாக இருக்கிறது. ஆனால் ஒட்டு மொத்த வருமானம் ரூ.1,74,972 கோடியில் இருந்து 1,91,843 கோடியாக உயர்ந்திருக்கிறது. வங்கியின் மொத்த வாராக்கடன் 6.5 சதவீதமாக இருக்கிறது. நிகர வாராக்கடன் 3.81 சதவீதமாக இருக்கிறது. கடந்த வருடம் மார்ச் காலாண்டில் 2.12 சதவீதமாக இருந்தது.