எல்விபி நிகர லாபம் 22% உயர்வு

லஷ்மி விலாஸ் வங்கியின் மார்ச் காலாண்டு நிகரலாபம் 22 சதவீதம் உயர்ந்து 49.07 கோடி ரூபாயாக இருக்கிறது. ஒட்டு மொத்த நிதி ஆண்டில் நிகர லாபம் 36 சதவீதம் உயர்ந்து 180.24 கோடி ரூபாயாக இருந்தது. கடந்த நிதி ஆண்டில் (2014-15) நிகர லாபம் 132 கோடி ரூபாயாக இருந்தது குறிப்பிடத்தக்கது.

மார்ச் காலாண்டில் மொத்த வருமானம் 14.29 சதவீதம் உயர்ந்து 758 கோடி ரூபாயாக இருக்கிறது. கடந்த நிதி ஆண்டில் மொத்த வருமானம் ரூ.2,872 கோடியாக இருக்கிறது.

வங்கியின் வாராக்கடன் சிறி தளவு குறைந்திருக்கிறது. வங்கி யின் மொத்த வாராக்கடன் 1.97 சதவீதமாகவும், நிகர வாராக்கடன் 1.18 சதவீதமாகவும் இருக்கிறது. கடந்த நிதி ஆண்டில் 60 கிளைகள் தொடங்கப்பட்டுள்ளன. மொத்தம் 460 கிளைகள் உள்ளன. இதே வேகத்தில் நடப்பு நிதி ஆண்டிலும் கிளைகள் தொடங்கப்படும் என்று வங்கி தெரிவித்துள்ளது.

இயக்குநர் குழு 30 சதவீத டிவிடெண்ட் வழங்க பரிந்துரை செய்துள்ளது.