Published : 23 Nov 2021 16:45 pm

Updated : 23 Nov 2021 16:45 pm

 

Published : 23 Nov 2021 04:45 PM
Last Updated : 23 Nov 2021 04:45 PM

தங்கம் விலை மாலையில் மீண்டும் அதிரடியாக குறைந்தது; ஒரே நாளில் ரூ.768 சரிவு

gold-price

சென்னை

சென்னையில் தங்கம் விலை இன்று மாலை மேலும் குறைந்து பவுனுக்கு ரூ.768 குறைந்துள்ளது.

கரோனா பெருந்தொற்றைத் தொடர்ந்து தொழில்துறை தேக்கம் ஏற்பட்டுள்ளது. முதலீட்டாளர்கள் பாதுகாப்பான முதலீடுகளில் கவனம் செலுத்த முடிவெடுத்து, பங்குச் சந்தை, ரியல் எஸ்டேட், அமெரிக்க டாலர்கள் என இருந்த முதலீடுகளை மாற்றித் தங்கத்தில் முதலீடு செய்யத் தொடங்கினர்.

இதனால் தங்கத்தின் தேவை அதிகரித்து, அதன் விலை கணிசமாக உயர்ந்து வந்தது. கரோனா வைரஸ் பாதிப்பால் ஏற்பட்ட பீதியாலும் தங்கம் விலையில் ஏற்ற இறக்கங்கள் நிலவி வந்தன.

அமெரிக்கா மற்றும் ஐரோப்பிய நாடுகளிலும் கரோனா எதிரொலியாக வங்கி வட்டி விகிதங்கள் பெருமளவு குறைந்துள்ளன. இதனால் அந்நாடுகளின் முதலீட்டாளர்கள், முதலீட்டு நிறுவனங்கள் தங்கத்தை வாங்கி வருகின்றன. இதனால் கடந்த சில நாட்களாக தங்கம் விலை தொடர்ந்து உயர்ந்து வந்தது. இந்த நிலையில் தங்கம் விலை இன்று குறைந்துள்ளது.

சென்னையில் ஆபரணத் தங்கத்தின் விலை கிராமுக்கு ரூ.79 குறைந்து ரூ. 4534- க்கு விற்பனையானது. இந்தநிலையில் இன்று மாலை மீண்டும் தங்கம் விலை சரிந்துள்ளது.

சென்னையில் ஆபரணத் தங்கத்தின் விலை கிராமுக்கு ரூ.96 குறைந்து ரூ. 4517- க்கு விற்பனையாகிறது. பவுனுக்கு ரூ.768குறைந்து ரூ.36136-க்கு விற்பனையாகிறது. இதேபோல் 24 காரட் சுத்தத் தங்கத்தின் விலை 8 கிராம் ரூ. 39048-க்கு விற்பனையாகிறது.

வெள்ளி விலை

வெள்ளியின் விலை ஒரு கிராம் ரூ.2.10 குறைந்து ரூ 68.80-க்கு விற்பனையாகிறது. 1 கிலோ வெள்ளியின் விலை இன்று ரூ. 68,800 ஆக உள்ளது.


தவறவிடாதீர்!



தங்கம் விலைமாலைஒரே நாளில் ரூ.768 சரிவுGold-price

Sign up to receive our newsletter in your inbox every day!

More From This Category

More From this Author

x