Published : 15 Nov 2021 15:14 pm

Updated : 15 Nov 2021 15:26 pm

 

Published : 15 Nov 2021 03:14 PM
Last Updated : 15 Nov 2021 03:26 PM

தொழில்துறை உற்பத்தி குறியீடு; நீடித்த வளர்ச்சியை காட்டுகிறது: மத்திய நிதியமைச்சகம் 

industrial-growth

புதுடெல்லி

2021-ம் ஆண்டு செப்டம்பர் மாதத்திற்கான தொழில்துறை உற்பத்தி குறியீடு என்பது தொழில்துறை உற்பத்தியில் நீடித்த வளர்ச்சியை காட்டுகிறது என்று நிதி அமைச்சகம் தெரிவித்துள்ளது.

இதுகுறித்து மத்திய நிதியமைச்சகம் தெரிவித்துள்ளதாவது:

2021-ம் ஆண்டு செப்டம்பர் மாதத்துக்கான தொழில் உற்பத்தி குறியீடு (ஐஐபி) குறித்த விரைவான மதிப்பீடுகள், தொழில் உற்பத்தியில் நிலையான வளர்ச்சியைக் காட்டுகிறது. 2021-22 நிதியாண்டில் ஐஐபி முதலாம் காலாண்டில் சராசரியாக 121.3 என்ற அளவிலிருந்து 2-ம் காலாண்டில் 130.2 ஆக வளர்ச்சியடைந்துள்ளது.

2-ம் காலாண்டில் இது மேலும் அதிக அளவிற்கு இருந்திருக்கக்கூடும். பருவ மழைத் தீவிரம் காரணமாக நிலக்கரி வெட்டியெடுப்பதில் இடையூறு ஏற்பட்டு இதன் விளைவாக மின்சார உற்பத்தியில் தாக்கம் ஏற்பட்டதால், ஒட்டுமொத்த உற்பத்தி குறியீட்டு வளர்ச்சி குறந்தது.

ஐஐபி-யில் உற்பத்தி குறியீடு படிப்படியாக வளர்ச்சியடைந்தது அதன் பயனாக கொள்முதல் மேலான்மை குறியீடும் அதிகரித்தது.

முதல் காலாண்டில் சராசரி 74-ஆக இருந்த மூலதனப் பொருட்கள் குறியீடு 2-ம் காலாண்டில் கணிசமான அளவுக்கு உயர்ந்து 91.7 ஆக இருந்தது.

2021-22 நிதியாண்டில் நுகர்வும் அதிகரித்ததால் முதலீட்டுக்கான தெளிவான அறிகுறிகள் தென்படுகின்றன. முதல் காலாண்டில் 91.7 ஆக இருந்த நுகர்வோர் நீடிப்பு குறியீடு 2-ம் காலாண்டில் 121.2 ஆக உயர்ந்தது.

இவ்வாறு மத்திய நிதியமைச்சகம் தெரிவித்துள்ளது.

தவறவிடாதீர்!

புதுடெல்லிதொழில்துறைஉற்பத்தி குறியீடுநீடித்த வளர்ச்சிமத்திய நிதியமைச்சகம்Industrial growth

Sign up to receive our newsletter in your inbox every day!

More From This Category

More From this Author

x