Published : 23 Feb 2021 11:58 AM
Last Updated : 23 Feb 2021 11:58 AM
தங்கம் விலை இன்று மீண்டும் உயர்ந்துள்ளது. பவுனுக்கு 264 ரூபாய் உயர்ந்துள்ளது.
தொழில்துறை தேக்கத்தைத் தொடர்ந்து உலகம் முழுவதுமே முதலீட்டாளர்கள் பாதுகாப்பான முதலீடு பக்கம் திரும்பினர். பங்குச்சந்தை, ரியல் எஸ்டேட், அமெரிக்க டாலர்கள் என மற்ற பலவற்றில் இருந்த முதலீடுகளையும் மாற்றி தங்கத்தில் முதலீடு செய்தனர்.
பாதுகாப்பு கருதி தங்கத்தில் முதலீடு செய்வதால் தங்கத்தின் தேவை அதிகரித்து அதன் விலை உயர்ந்து வருகிறது. கரோனா வைரஸ் பாதிப்பால் தொழில்துறை தேக்கம் குறித்த பீதி நிலவி வரும் நிலையில், தங்கம் விலையில் தற்போது ஏற்ற இறக்கங்கள் நிலவி வருகின்றன.
இந்தநிலையில் இன்று தங்கம் விலை உயர்ந்துள்ளது. ஆபரணத் தங்கத்தின் விலை கிராமுக்கு ரூ. 33 உயர்ந்து ரூ.4428க்கு விற்பனையாகிறது. பவுனுக்கு ரூ.264 உயர்ந்து ரூ.35,424க்கு விற்பனையாகிறது.
இதேபோல் 24 காரட் சுத்தத் தங்கத்தின் விலை 8 கிராம் 38,496 ரூபாய்க்கு விற்பனையாகிறது.
வெள்ளி விலை
வெள்ளியின் விலை 1.30 ரூபாய் உயர்ந்து 75.70 ரூபாய்க்கு விற்பனையாகிறது. அதேபோல 1 கிலோ வெள்ளியின் விலை இன்று ரூ.75,700 ஆக உள்ளது.
Sign up to receive our newsletter in your inbox every day!
WRITE A COMMENT