இவரைத் தெரியுமா?- வினோத் கே. தாசரி

கனரக வாகன தயாரிப்பு நிறுவனமான அசோக் லேலண்ட் நிறுவனத்தின் நிர்வாக இயக்குநர் மற்றும் நிறுவனத்தின் இயக்குநர் குழு தலைவராகவும் உள்ளார். ஏப்ரல் 2011 முதல் இந்த பொறுப்பில் இருந்து வருகிறார்.

அமெரிக்காவில் உள்ள நார்த்வெஸ்ட் ரன் பல்கலைக்கழகத்தின் கெல்லாக் மேலாண்மை பள்ளியில் எம்பிஏ பட்டமும், மெக்கோர்மிக் பொறியியல் பள்ளியில் இன்ஜினீயரிங் மேலாண்மையில் உயர்கல்வியும் படித்தவர். லுயிஸ்விலே பல்கலைக்கழகத்தில் இளநிலை பொறியியல் பட்டம் பெற்றவர்.

1986 ல் ஜெனரல் எலெக்ட்ரிக் நிறுவனத்தில் முதன்முதலில் பணிக்குச் சேர்ந்தவர். டிம்கென் நிறுவனத்தில் முதன்மை பிசினஸ் அனலிஸ்ட், நிர்வாக இயக்குநர் என பொறுப்புகளை வகித்தவர்.

2002-2005 வரை குமின்ஸ் இந்தியா நிறுவனத்தில் இணை நிர்வாக இயக்குநராக பொறுப்பு வகித்தார்.

2015 செப்டம்பரிலிருந்து பிடிலைட் நிறுவனத்தில் கூடுதல் இயக்குநராக பொறுப்பு வகிக்கிறார்.

இந்திய ஆட்டோமோபைல் தயாரிப்பாளர்கள் சங்க தலைவராகவும், இரிஸர் டிவிஎஸ், கல்ப் ஆஸ்லே மோட்டார் நிறுவனங்களின் இயக்குநர் குழுவிலும் இடம் பெற்றுள்ளார்.