இந்தியாவின் வளர்ச்சி 7 சதவீதமாக இருக்கும்: தரச் சான்று நிறுவனம் மூடி’ஸ் கணிப்பு

தொழில் வளர்ச்சி மெதுவாக இருப்பது மற்றும் முதலீடுகள் குறைவது ஆகிய காரணங்களால் நடப்பு ஆண்டில் இந்தியாவின் வளர்ச்சி 7 சதவீதமாக இருக்கும் என்று மூடி’ஸ் தரச் சான்று நிறுவனம் கணித்திருக்கிறது.

ஆனால் கச்சா எண்ணெய் விலை சரிவினால் நடப்புக்கணக்கு பற்றாக்குறை குறை வாகவே இருக்கும் என்று கணிக் கப்பட்டுள்ளது.

இந்தியா மட்டுமல்லாமல் பெரும் பாலான ஆசிய நாடுகளின் வளர்ச்சி விகிதத்தை மூடி’ஸ் குறைத்திருக் கிறது.

சர்வதேச வளர்ச்சி குறைந்தது மற்றும் சீனாவின் தேவை குறைவே இதற்கு காரணம் என்று அந்த அறிக்கையில் குறிப்பிடப்பட்டுள்ளது.

நடப்பு ஆண்டில் வளர்ச்சி 7 சதவீதமாகவும், அடுத்த ஆண்டில் 7.5 சதவீத வளர்ச்சியும் இருக்கும் என்று கணிக்கப்பட்டுள்ளது.

ஆனால் நடப்பு நிதி ஆண்டில் 8 முதல் 8.5 சதவீத வளர்ச்சி இருக்கும் என்று மத்திய அரசு கணித்திருக்கிறது.

2012-ம் ஆண்டு நடப்பு கணக்கு பற்றாக்குறை 4.8 சதவீதமாக இருந்தது. ஆனால் 2014-ம் ஆண்டில் 1.4 சதவீதமாக இருக்கிறது.

இந்த நிலையில் நடப்புக்கணக்கு பற்றாக் குறை நீடிக்கும். பருவமழை குறை வினால் உணவுப்பணவீக்கம் அதிகரிக்கும் சூழல் இருப்பதால் இப்போதைக்கு வட்டி குறைப்பு இருப்பதற்கான வாய்ப்புகள் குறைவு.

2016-ம் ஆண்டில் சீனாவின் வளர்ச்சி 6.3 சதவீதமாக இருக்கும் என்று கணிக்கப்பட்டிருக்கிறது. முன்ன தாக 6.5 சதவீதம் இருக்கும் என்று மூடி’ஸ் கணித்திருந்தது.

இந்தியா, சீனா, ஜப்பான் ஆகிய பகுதிகளை தவிர்த்த ஆசியா பசிபிக் பிராந்தியத்தின் வளர்ச்சி நடப்பாண்டில் 3 சதவீதமாகவும், அடுத்த ஆண்டில் 3.2 சதவீதமாகவும் இருக்கும் என்று மூடி’ஸ் தெரி வித்தது.

இந்தியாவின் வளர்ச்சி 7.1%: யூபிஎஸ் கணிப்பு

ஸ்விஸ் நாட்டை சேர்ந்த தரகு நிறுவனமான யூபிஎஸ் நடப்பு நிதி ஆண்டில் இந்தியாவின் வளர்ச்சி விகிதம் 7.1 சதவீதமாக இருக்கும் என்று கணித்திருந்தது. முன்னதாக 7.5 சதவீதமாக இருக்கும் என்று கணிக் கப்பட்டிருந்தது.

2016-17ம் நிதி ஆண்டில் 7.6 சதவீத வளர்ச்சி (முன்னதாக 8.3% வளர்ச்சி) என்று கணிக்கப்பட்டிருந்தது குறிப்பிடத்தக்கது.

நடப்பு நிதி ஆண்டில் 0.75 சதவீதம் அளவுக்கு ரிசர்வ் வங்கி வட்டி விகிதத்தை குறைக்கும் என்று எதிர்பார்ப்பதாக யூபிஎஸ் கூறியிருக்கிறது.