Published : 14 Jul 2020 07:15 am

Updated : 14 Jul 2020 07:15 am

 

Published : 14 Jul 2020 07:15 AM
Last Updated : 14 Jul 2020 07:15 AM

ஊழியர்கள் வேலை நீக்கம் இல்லை: விப்ரோ தலைவர் ரிஷாத் பிரேம்ஜி தகவல்

rishad-premji

பெங்களூரு

விப்ரோ நிறுவனத்தின் 74-வதுஆண்டுப் பொதுக்கூட்டம் காணொலி மூலம் நேற்று நடைபெற்றது. அக்கூட்டத்தின் போது பேசிய நிறுவனத் தலைவர் ரிஷாத் பிரேம்ஜி, ‘‘நிறுவனத்தில் செலவுக் குறைப்பு நடவடிக்கைகள் தொழில்நடவடிக்கை ரீதியில் எடுக்கப்பட்டு வருகிறது. ஆனால், ஊழியர்களை வேலை நீக்கம் செய்யும் திட்டம் எதுவும் இப்போது இல்லை’’ என்றார்.

தற்போது கரோனா பாதிப்பால் விப்ரோ நிறுவனத்தின் 95 சதவீத ஊழியர்கள் வீட்டிலிருந்து பணி செய்கிறார்கள். இந்தப் போக்குவரும் காலங்களிலும் தொடரும் வாய்ப்புகள் அதிகம். வீட்டிலிருந்தபடி வேலை, அலுவலகத்தில் இருந்து வேலை இரண்டையும் கலந்த ஒரு பணிச் சூழல் 12-18 மாதங்களில் உருவாகலாம் என்று பிரேம்ஜி கூறினார்.

மேலும் அமெரிக்கா எடுத்துள்ள ஹெச்1பி விசா தடை நடவடிக்கை துரதிருஷ்டவசமானது. எனினும், விப்ரோ அமெரிக்காவில் 70 சதவீதஊழியர்களை அமெரிக்கர்களாகவே கொண்டிருக்கிறது. எனவே, இதனால் ஏற்படும் பாதிப்புகள் குறைவாக இருக்கும்.

உலகம் முழுவதுமே கரோனா பாதிப்பால் வாடிக்கையாளர்களின் செலவு செய்யும் போக்கு மாறியுள்ளது. ஆனாலும் உள்கட்டமைப்பு, கிளவுட், விர்ச்சுவல் ரிமோட் ஆக்சஸ் போன்றவற்றில் வாய்ப்புகள் அதிகரித்துள்ளன. விப்ரோ சைபர் பாதுகாப்பு தொடர்பான செயல்பாடுகளில் வலுவாக இருப்பதால் தொடர்ந்து வளர்ச்சிக்கான சாத்தியங்களுடன் இருக்கிறது என்று ரிஷாத் பிரேம்ஜி கூறியுள்ளார்.

பெங்களூருவைச் சேர்ந்த ஐ.டி.நிறுவனமான விப்ரோ நிறுவனத்தின் மொத்த தொழில் வர்த்தகத்தில் அமெரிக்காவின் பங்கு 59.1 சதவீதமாகும். இந்தியாவுக்கு வெளியே விப்ரோ 41 ஆயிரம் ஊழியர்களைக் கொண்டுள்ளது. மொத்த ஊழியர்களின் எண்ணிக்கை 1,88,270 ஆகும்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ஊழியர்கள் வேலை நீக்கம்வேலை நீக்கம் இல்லைவிப்ரோ தலைவர்ரிஷாத் பிரேம்ஜிRishad premji

Sign up to receive our newsletter in your inbox every day!

You May Like

More From This Category

More From this Author