Published : 14 May 2020 07:41 PM
Last Updated : 14 May 2020 07:41 PM
சீன ஸ்மார்ட்போன் நிறுவனமான ஒன் ப்ளஸ், தங்களின் அடுத்த மாடல் ஒன் ப்ளஸ் 8 சீரிஸ் 5ஜி மொபைல் விற்பனையை இந்தியாவில் மே 29 முதல் அமேசான் தளம் மூலமும், பிரத்யேக கடைகள் மூலமும் தொடங்கும் என்று அறிவித்துள்ளது.
மே 18 அன்று குறிப்பிட்ட அளவு விற்பனையாக மதியம் 2 மணி அளவில் விற்பனை தொடங்கும். ஒன் ப்ளஸ் 8 ப்ரோ 5ஜி மாடலில் ரூ.3000 தள்ளுபடியும், ஒன்ப்ளஸ் 8 சீரிஸ் 5ஜி மாடலில் ரூ.2000 தள்ளுபடியும் அறிமுகச் சலுகையாகக் கிடைக்கும். 12 மாத வட்டியில்லா தவணையிலும் அமேசான் மூலம் இந்த மொபைலை வாங்கலாம்.
இந்தியாவில் ஒன் ப்ளஸ் 8 மாடலின் ஆரம்ப விலை ரூ.41,999. இது 6 ஜிபி ராம் மற்றும் 128 ஜிபி கொள்ளளவு கொண்டது. இதே மாடலில் 8 ஜிபி ராம் வகை ரூ.44,999 என்ற விலைக்குக் கிடைக்கும். ஒன் ப்ளஸ் 8 ப்ரோ விலை ரூ.54,999. இது 8 ஜிபி ராம் மற்றும் 128 ஜிபி கொள்ளளவு கொண்டது. இதில் அதிகபட்சமாக 12 ஜிபி ராம் மற்றும் 256 ஜிபி கொள்ளளவு மாடலும் கிடைக்கிறது. இதன் விலை ரூ.59,999.
Sign up to receive our newsletter in your inbox every day!
WRITE A COMMENT