Published : 07 Mar 2020 16:43 pm

Updated : 07 Mar 2020 16:50 pm

 

Published : 07 Mar 2020 04:43 PM
Last Updated : 07 Mar 2020 04:50 PM

என்னதான் ஆனது யெஸ் வங்கிக்கு? - சில முக்கிய தகவல்கள்

yes-bank

மும்பை

* 2004-ம் ஆண்டு ரிசர்வ் வங்கி அனுமதி வழங்கிய சில தனியார் வங்கிகளில் ஒன்றாக தொடங்கியதுதான் யெஸ் வங்கி. ஸ்டார்ட் அப் நிறுவனம் போல ராணா கபூர், அசோக் கபூர் எனும் இரண்டு தொழில் முனைவோர்களால் தொடங்கப்பட்டது இந்த வங்கி.

* ரூ.150 கோடி முதலீட்டில் தொடங்கப்பட்டது இந்த வங்கி, தொடங்கப்பட்ட ஓராண்டிலேயே பொதுப்பங்கு வெளியீடு மூலம் ரூ.300 கோடி திரட்டும் அளவுக்கு வளர்ந்தது. அப்போது வங்கிப் பங்கின் விலை ரூ.45 ஆக இருந்தது. 2017-ம் ஆண்டு இந்த வங்கிப் பங்கு உச்ச பட்ச விலையாக ரூ.385-க்கு விற்பனையானது.

* யெஸ் வங்கிக்கு தற்போது நாடு முழுவதும் 1,122 கிளைகளும், 1,220 ஏடிஎம்களும் உள்ளன. நவீன தொழில்நுட்பங்களைப் பின்பற்றும் முன்னோடி வங்கியாக இது திகழ்ந்தது. ஆனால் இன்று இவ்வங்கி பெரும் சரிவைச் சந்தித்துள்ளது.

* தற்போது வங்கியின் கடன் சுமை ரூ.14,700 கோடியாக உள்ளது. இது வங்கியின் சொத்து மதிப்பில் 54.5 சதவீதமாகும்.

* ஏடிஏஜி குழும நிறுவனம், காக்ஸ் அண்ட் கிங்ஸ், சிஜி பவர், டிஹெச்எஃப்எல், எஸ்ஸார் ஷிப்பிங், மெக்லாய்ட் ரஸ்ஸல் ஆகிய நிறுவனங்களுக்கு மட்டும் யெஸ் வங்கி அளித்த கடன் தொகை ரூ.10,206 கோடியாகும்.

* யெஸ் வங்கியின் செயல்பாடுகள் மட்டுமின்றி வங்கியின் பங்குகள் குறித்து 40 பங்கு தரகு நிறுவனங்கள் எதிர்மறைக் கருத்தை வெளியிட்டிருந்தன.

* வங்கி அளித்த கடன் தொகை விவரங்களைக் குறைத்துக் காட்டியதாக வெளியான தகவல்களும் வங்கிப் பங்குகளின் சரிவுக்குக் காரணமாயின.

* யெஸ் வங்கியை உருவாக்கிய அதன் நிறுவனர் ராணாகபூர், வங்கியில் ஒரு பங்கைக் கூட வைத்திருக்காமல் விற்பனை செய்ய எடுத்த முடிவு பெரும் நெருக்கடியை வங்கிக்கு அளித்தது.

* இதனால் வங்கியில் முதலீடு செய்திருந்த பல நிறுவனங்கள் பங்குகளை விற்பனை செய்து விட்டு வெளியேறின.

* வங்கியின் நிதி ஆதாரத்தைத் திரட்ட வங்கி மேற்கொண்ட முயற்சிகளும் எதிர்பார்த்த பலனை அளிக்கவில்லை.

* தனியார் வங்கியான கோடக் மஹிந்திரா வங்கியுடன் யெஸ் வங்கியை இணைப்பது குறித்து ஆலோசிக்கப்பட்டது. ஆனால், கோடக் வங்கி தலைவர் உதய் கோடக், யெஸ் வங்கியை எடுத்து நடத்த ஆர்வம் காட்டவில்லை.

* ஓராண்டில் மட்டும் யெஸ் வங்கி பங்குகள் 80 சதவீத அளவுக்குச் சரிந்துவிட்டன. இது மேலும் சரிந்து திவால் ஆகும் நிலைக்குத் தள்ளப்படும் முன்பு ரிசர்வ் வங்கி சில நடவடிக்கைகளை எடுத்துள்ளது.

* அதன்படி, வாடிக்கையாளர்கள் ரூ.50,000 வரையில் வங்கியிலிருந்து அதிகபட்சமாக பணம் எடுக்கலாம். மார்ச் 5-ம் தேதி முதல் ஏப்ரல் 3-ம் தேதிவரை ரிசர்வ் வங்கி கட்டுப்பாட்டில் யெஸ் வங்கி இருக்கும் என அறிவிக்கப்பட்டுள்ளது.

* யெஸ் வங்கியின் 49 சதவீதப் பங்குகளை வாங்க எஸ்பிஐ முடிவு செய்துள்ளது.

தவறவிடாதீர்!

Yes Bankயெஸ் வங்கிரிசர்வ் வங்கிஎன்ன தான் ஆனது யெஸ் வங்கிக்கு?சில முக்கிய தகவல்கள்

Sign up to receive our newsletter in your inbox every day!

You May Like

More From This Category

More From this Author