Published : 15 Oct 2019 07:44 PM
Last Updated : 15 Oct 2019 07:44 PM

2019-ம் ஆண்டின் இந்திய பொருளாதார வளர்ச்சி விகிதத்தை 7.3%லிருந்து 6.1% என்று குறைத்த ஐ.எம்.எஃப். 

வாஷிங்டன், பிடிஐ

2019-ம் ஆண்டில் இந்தியாவின் வளர்ச்சி விகிதம் 7.3% ஆக இருக்கும் என்று கடந்த ஏப்ரலில் கூறியதை தற்போது மாற்றி குறைவாக 6.1% வளர்ச்சி விகிதமே எதிர்ப்பார்க்க முடியும் என்று பன்னாட்டு நிதியம் ஐ.எம்.எஃப். தெரிவித்துள்ளது.

தனது ஏப்ரல் மாத கணிப்பிலிருந்து 1.2% வளர்ச்சி விகிதத்தைக் குறைத்தது பன்னாட்டு நிதியமைப்பு.

2018-ல் இந்தியாவின் உண்மையான வளர்ச்சி விகிதம் 6.8%, ஐ.எம்.எஃப். தனது உலகப் பொருளாதாரப் பார்வையில் 2019-க்கான இந்திய வளர்ச்சி விகிதம் 6.1% ஆக இருக்கும் என்று கணித்துள்ளது.

ஆனால் 2020ம் ஆண்டு வாக்கில் பொருளாதாரம் வளர்ச்சி கண்டு 7% வளர்ச்சியை நோக்கிச் செல்லும் என்கிறது ஐ.எம்.எஃப்.

ஞாயிறன்று உலக வங்கியும் இந்திய பொருளாதார வளர்ச்சியை 2019-ம் ஆண்டில் 6% ஆகக் குறைத்தது. உள்நாட்டில் தேவைப்பாடு எதிர்பார்ப்பை விட மந்தமாக இருக்கும் அதனால்தான் பொருளாதார வளர்ச்சி 1.2% குறையும் என்று ஐ.எம்.எஃப். தெரிவித்துள்ளது.

2019-ல் சீனா 6.1% வளர்ச்சியில் செல்லும் என்று கூறிய ஐ.எம்.எஃப். 2020ல் சீனாவின் வளர்ச்சி விகிதம் 5.8% ஆகவே இருக்கும் என்று கணித்துள்ளது.

இந்தியாவின் அதிகரித்து வரும் பொதுக்கடனைக் குறைக்க நம்பகமான நிதிப்பலப்படுத்த பாதையைத் தேர்வு செய்ய வேண்டியுள்ளது. பொதுத்துறை வங்கிகளை நிர்வகித்தல் அவர்களது கடன் வழங்கல் பலப்படுத்தப் பட வேண்டியுள்ளது, மேலும் நிதியமைப்பில் பொதுத்துறை நிறுவனங்களின் பங்கைக் குறைக்க வேண்டிய தேவையுள்ளது, உள்கட்டமைப்பு வளர்ச்சியை மேம்படுத்த நிலச் சீர்த்திருத்தங்கள் மேம்படுத்தப்பட வேண்டும் என்று பன்னாட்டு நிதியம் தன் அறிக்கையில் தெரிவித்துள்ளது.

FOLLOW US

Sign up to receive our newsletter in your inbox every day!

WRITE A COMMENT
 
x