செய்திப்பிரிவு

Published : 12 Sep 2019 19:22 pm

Updated : : 12 Sep 2019 19:22 pm

 

தொழிற்துறை உற்பத்தி வளர்ச்சி ஜூலை மாதத்தில் 4.3% ஆகக் குறைவு: அரசுத் தரவில் தகவல்

industrial-output-growth-drops-to-4-3-in-july

புதுடெல்லி, பிடிஐ

உற்பத்தித்துறையின் மந்தமான நிலை காரணமாக தொழிற்துறை உற்பத்தி ஜூலை மாதத்தில் 4.3% ஆகக் குறைந்ததாக வியாழனன்று வெளியிடப்பட்ட அரசு தரவு வெளியீடு கூறியுள்ளது. இது கடந்த ஆண்டு இதே காலக்கட்டத்தில் 7% ஆக இருந்தது.

தொழிற்துறை உற்பத்திக் குறியீடு (ஐஐபி) அளவுகளின்படி தொழிற்சாலை உற்பத்தி கடந்த ஜூலை 2018-ல் 6.5% விரிவாக்கம் பெற்றுள்ளது. தொழிற்துறை வளர்ச்சி இந்த ஆண்டு ஜூன் மாதத்தில் 1.2% ஆகவும் இந்த ஆண்டு மே மாதத்தில் 4.2% ஆகவும் பதிவாகியுள்ளது.

மத்திய புள்ளிவிவரம் மற்றும் திட்ட அமலாக்கப் பிரிவு வெளியிட்ட தரவுகளின் படி இந்த ஆண்டு ஏப்ரல்-ஜூனில் தொழிற்துறை உற்பத்தி 3.3% என்ற விகிதத்தில் வளர்ச்சியடைந்துள்ளது. இது கடந்த ஆண்டின் இதே காலக்கட்டத்தில் 5.4% ஆக இருந்தது குறிப்பிடத்தக்கது.

உற்பத்தித் துறையில் பரிசீலிக்கத்தக்க மந்தநிலை இருந்து வருவதாக ஐஐபி தரவு தெரிவித்துள்ளது, அதாவது கடந்த ஆண்டு ஜூலைவாக்கில் 7% ஆக இருந்த வளர்ச்சி ஜூலை 2019-ல் 4.2% ஆகக் குறைந்துள்ளது.

தொழிற்துறைகளின் படி உற்பத்தித் துறையில் 23 தொழிற்துறை குழுமங்களில் 13-ல் வளர்ச்சி காணப்படுகிறது.

உணவுப்பொருள் உற்பத்தி தொழிற்துறை 23.4% வளர்ச்சியும் அடிப்படை உலோக உற்பத்தி 17.3%-ம் ஆயத்த ஆடைத் தயாரிப்பில் 15% வளர்ச்சியும் உள்ளதாக அரசு புள்ளிவிவரங்கள் தெரிவிக்கின்றன.

காகித மற்றும் காகித உற்பத்தித் தொழிற்சாலை, மோட்டார் வாகனங்கள், ட்ரெய்லர் மற்றும் செமி ட்ரெய்லர் வாகன் உற்பத்திப் பிரிவு பிரிண்டிங் மற்றும் ரெக்கார்டட் மீடியா மறு உற்பத்தித் துறையில் சரிவு ஏற்பட்டுள்ளது.

Industrial output growth drops to 4.3% in Julyதொழிற்துறை உற்பத்தி வளர்ச்சி ஜூலை மாதத்தில் 4.3% ஆகக் குறைவு: அரசுத் தரவில் தகவல்பொருளாதார நிலைவணிகம்உற்பத்தித் துறை




Popular Articles

You May Like

More From This Category

More From this Author