ஸ்வீடனைச் சேர்ந்த வால்வோ நிறுவனம் ஐஷர் மோட்டார் நிறுவனத்தில் முதலீடு செய்திருந்த பங்குகளை நேற்று விற்றது. 3.7 சதவீத பங்குகளை 1,695 கோடி ரூபாய்க்கு விற்றது.
வால்வோ நிறுவனம் 2008-ம் ஆண்டு 157 கோடி ரூபாயை முதலீடு செய்து 8.4 சதவீத பங்குகளை வாங்கியது. கடந்த மார்ச் மாதத்தில் 4.7 சதவீத பங்குகளை 1,920 கோடி ரூபாய்க்கு விற்றது. இப்போது மீதமுள்ள 3.7 பங்குகளை விற்றிருக்கிறது.
இதன் மூலம் 157 கோடி ரூபாய் முதலீடு 7 வருடத்தில் 3,615 கோடி ரூபாயாக உயர்ந்திருக்கிறது. கிட்டத்தட்ட 2,000 சதவீதம் அளவுக்கு வால்வோ நிறுவனத்துக்கு லாபம் கிடைத்திருக்கிறது. கடந்த ஏழு வருடங்களுக்கு முன்பு 800 ரூபாய்க்கு வர்த்தகமான பங்கு இப்போது 18,000 ரூபாய் அளவுக்கு உயர்ந்தது.
ஐஷர் மோட்டார்ஸ் நிறுவனத்தில் இருந்து வால்வோ நிறுவனம் 3.7 சதவீத பங்குகளை விற்றதால் ஐஷர் மோட்டார்ஸ் பங்கு 4.83 சதவீத அளவுக்கு சரிந்து 17,311 ரூபாயில் முடிவடைந்தது.
ஐஷர் மோட்டார்ஸ் நிறுவ னத்தில் இருந்து முழுமையாக வால்வோ விலகிவிட்டாலும், இந்த இரண்டு நிறுவனங்களின் கூட்டு நிறுவனமான வால்வோ ஐஷர் கமர்ஷியர் வெகிக்கள் நிறுவனத்தின் கூட்டு தொடர்கிறது என்று தெரிவிக்கப்பட்டுள்ளது.
இந்த தனிப்பட்ட கூட்டு நிறுவனத்தில் ஐஷர் மோட்டார்ஸ் பங்கு 54 சதவீதமாகவும், வால்வோ நிறுவனத்தின் பங்கு 46 சதவீதமாகவும் உள்ளது.