ஜெகதீஷ் பகவதி- இவரைத் தெரியுமா?

#மும்பையில் பிறந்த குஜராத்தி இவர். அமெரிக்காவில் இருக்கும் கொலம்பியா பல்கலைக்கழகத்தில் பொருளாதாரப் பேராசிரியராக இருக்கிறார். மேலும் பொருளாதார ஆலோசகர், புத்தக எழுத்தாளரும் கூட.

#இவரது தந்தையும், சகோதரரும் உச்ச நீதிமன்றத்தில் நீதிபதியாக இருந்தவர்கள்.

#சமஸ்கிருதத்தில் பண்டிதராகவேண்டும் என்று ஆசைப்பட்ட இவர், அப்பாவின் ஆலோசனையின் காரணமாக பொருளாதாரம் படித்தார்.

#மும்பை சைடன்ஹாம் கல்லூரியில் பி.ஏ. பட்டமும் அதன் பிறகு இங்கிலாந்து கேம்பிரிட்ஜில் இருக்கும் செயின்ட் ஜார்ஜ் கல்லூரியில் படித்தார்.

#எம்.ஐ.டி. (Massachusetts Institute of Technology) முனைவர் பட்டம் பெற்ற இவர், இந்தியாவுக்குத் திரும்பினார். கொல்கத்தாவில் இருக்கும் இந்திய புள்ளியியல் கல்லூரியில் சில காலமும், டெல்லி பொருளாதார கல்லூரியில் சில வருடங்களும் பேராசியராக இருந்தார்.

#இந்திய அரசின் பத்ம விபூஷண் விருது பெற்றவர். ஜப்பான் அரசும் Order of the Rising Sun விருது கொடுத்து கௌரவித்திருக்கிறது.

#India's Tryst with Destiny, Why Growth Matters உள்ளிட்ட புத்தகங்கள், ஃபைனான்ஷியல் டைம்ஸ், வால் ஸ்டீரீட் ஜர்னல், நியூயார்க் டைம்ஸ் உள்ளிட்ட பல பத்திரிகைகளில் 300க்கும் மேற்பட்ட கட்டுரைகள் எழுதி இருக்கிறார்.