அகிலேஷ் ஜோஷி - இவரைத் தெரியுமா?

$ ஹிந்துஸ்தான் ஜிங்க் நிறுவனத்தின் தலைமைச் செயல் அதிகாரி. 2012 பிப்ரவரியில் இருந்து இந்த பொறுப்பில் இருக்கிறார்.

$ 1976-ம் ஆண்டு ஹிந்துஸ்தான் ஜிங்க் நிறுவனத்தில் இவர் இணைந்தார். அதிலிருந்து பல கட்டங்களைத் தாண்டி தலைமை பொறுப்புக்கு வந்திருக்கிறார்.

$ துணைத்தலைவர், முதன்மை துணைத்தலைவர், தலைமைச் செயல்பாட்டு அதிகாரி என சுரங்கத்துறையில் பல முக்கியமான பொறுப்புகளை வகித்தவர்.

$ இந்த நிறுவனத்துக்கு வருவதற்கு முன்பு சில காலம் ஜோத்பூர் பல்கலைக்கழகத்தில் விரிவுரையாளராக பணியாற்றி இருக்கிறார்.

$ ஜோத்பூரில் இருக்கும் எம்.பி.எம். பொறியியல் கல்லூரியில் சுரங்க பொறியியல் படித்தவர். பாரிஸில் இருக்கும் சுரங்க கல்லூரியில் முதுகலை டிப்ளமோ படித்தவர்.

$ ஸ்டெர்லைட் இயக்குநர் குழுவில் சில காலம் இருந்தவர். பிஸினஸ் டுடே பத்திரிகையின் சிறந்த சி.இ.ஓ.விருதினை பெற்றவர். Indian Mining Engineering Journal இவருக்கு வாழ்நாள் சாதனையாளர் விருது வழங்கி கவுரவித்துள்ளது.