அர்ஜுன் ஹாண்டா - இவரைத் தெரியுமா?

$ குஜாராத் மாநிலத்தின் அகமதாபாத் நகரைச் சேர்ந்த கிளாரிஸ் லைப் சயின்சஸ் நிறுவனத்தின் துணைத்தலைவர் மற்றும் நிர்வாக இயக்குநர்.

$ இவரது தந்தை சுஷில் ஹாண்டா ஆரம்பித்த நிறுவனத்தை இவரும் இவரது சகோதரர் ஆதித்யா ஹாண்டாவும் இணைந்து நடத்துகிறார்கள்.

$ 2001-ம் ஆண்டு இயக்குநராக நியமிக்கப்பட்டார். 2008-ம் ஆண்டு சில காலம் தலைமை செயல்பாட்டு அதிகாரியாக (சி.ஓ.ஓ.) இருந்தார். அதன் பிறகு அதே ஆண்டு சி.இ.ஓ-வாக நியமிக்கப்பட்டார். 2014 செப்டம்பர் 26-ம் தேதி முதல் தற்போதைய பொறுப்பில் இருக்கிறார்.

$ அகமதாபாத் ஹெச்.எல். கல்லூரியில் கணக்கு பதிவியலில் இளங்கலை பட்டமும், அமெரிக்காவின் பாஸ்டன் நகரில் உள்ள நார்த் ஈஸ்டர்ன் பல்கலைக்கழகத்தில் எம்.பி.ஏ பட்டமும் பெற்றவர்.

$ மருந்து துறையை பற்றிக் கொஞ்சமும் தெரியாமல்தான் இந்த துறைக்கு வந்திருக்கிறார். அதன் பிறகு ஆய்வகம், ஆராய்ச்சி மற்றும் மேம்பாடு உள்ளிட்ட பிரிவுகளுக்கு மாதக்கணக்கில் நேரடியாக சென்று கற்றுக்கொண்டிருக்கிறார்.