நடப்பு நிதி ஆண்டு வளர்ச்சி 7 சதவீதமாக குறையும்: உலக வங்கி கணிப்பு

பணமதிப்பு நீக்கத்துக்குப் பிறகு இந்தியாவின் வளர்ச்சி விகிதம் 7.6 சதவீதத்தில் இருந்து 7 சதவீத மாக குறையும் என உலக வங்கி கணித்திருக்கிறது. கடந்த ஜூன் மாதம் 7.6 சதவீத வளர்ச்சி இருக்கும் என உலக வங்கி கணித்திருந்தது.

உலக வங்கியின் கணிப்பில் கூறியிருப்பதாவது:

எதிர்பார்க்கப்படாத சூழ்நிலை யில் பண மதிப்பு நீக்கம் செய்யப் பட்டதால் மூன்றாம் காலாண்டு வளர்ச்சி பாதிப்படைந்தது. மந்த மான உற்பத்தி மற்றும் சேவை காரண மாக நான்காம் காலாண்டு வளர்ச்சி யும் பாதிக்கப்படும். இருந்தாலும் 7 சதவீத வளர்ச்சி இருந்தால் கூட உலகின் வேகமாக வளர்ச்சி அடையும் பொருளாதாரமாக இந்தியா இருக்கும். சீனாவை விட வளர்ச்சி அதிகமாக இருக்கும். 2016-ம் ஆண்டில் சீனாவின் வளர்ச்சி 6.5 சதவீதமாக இருக்கும்.

உற்பத்தியை உயர்த்த பல நடவடிக்கைகள் எடுக்கப்பட்டு வருகின்றன. பல சீர்திருத்தங்கள் தொடர்வதால் அடுத்தடுத்த ஆண்டுகளில் இந்தியாவின் வளர்ச்சி அதிகமாக இருக்கும். அடுத்த நிதி ஆண்டில் 7.6 சதவீத வளர்ச்சியும், அதற்கடுத்த நிதி ஆண்டில் 7.8 சதவீத வளர்ச்சியும் இருக்கும்.

கட்டுமானத் துறையில் முதலீடு கள் அதிகரித்து வருகின்றன. தவிர குறுகிய காலத்தில் முதலீடு களும் உயரும் என கணிக்கப் பட்டிருக்கிறது. பணமதிப்பு நீக்கம் காரணமாக நடுத்தர காலத்தில் கடனுக்கான வட்டி விகிதங்கள் குறையும். இதனால தொழில் நடவடிக்கைகள் வேகம் எடுக்கும். அதே சமயத்தில் பண மதிப்பு நீக்கம் காரணமாக சரக்கு மற்றும் சேவை வரி, தொழிலாளர் மற்றும் நிலச் சீர்திருத்தங்களில் சவால் உருவாகலாம் என உலக வங்கி தெரிவித்திருக்கிறது.

முன்னதாக மொத்த மதிப்பு கூட்டல் வளர்ச்சி 7.6 சதவீதத்தில் இருந்து 7.1 சதவீதமாக குறையும் என கடந்த நிதிக்கொள்கை அறிவிப்பு கூட்டத்தில் ரிசர்வ் வங்கி தெரிவித்தது.

கடந்த 2016-ம் ஆண்டு அமெரிக்கா பொருளாதார வளர்ச்சி 1.6 சதவீதமாக இருந்தது. இந்த ஆண்டு 2.2 சதவீதமாக இருக்கும். அதேபோல சர்வதேச வளர்ச்சி 2.3 சதவீதத்தில் இருந்து 2.7 சதவீதமாக உயரும் என உலக வங்கி கணித்திருக்கிறது.