ரெப்கோ ஹோம் பைனான்ஸ் லாபம் 31% உயர்வு

ரெப்கோ ஹோம்பைனான்ஸின் முதல் காலாண்டு நிகர லாபம் 31 சதவீதம் உயர்ந்து ரூ.39 கோடியாக இருக்கிறது.

கடந்த வருடம் இதே காலத்தில் ரூ.30.24 கோடியாக இருந்தது. செயல்பாடுகளின் மூலம் கிடைக்கும் வருமானம் ரூ.246.91 கோடியாக இருக்கிறது. கடந்த வருடம் இதே காலாண்டில் ரூ.200.10 கோடியாக இருந்தது.

நிகர வட்டி வருமானம் 27 சதவீதம் உயர்ந்து ரூ.83.97 கோடியாக இருக்கிறது. கடந்த வருடம் ரூ.66.37 கோடியாக இருக்கிறது.

நிறுவனத்தின் கடன் வழங்கும் அளவு 25 சதவீதம் உயர்ந்து ரூ.7,659 கோடியாக இருக்கிறது. சென்னையைச் சேர்ந்த இந்த நிறுவனத்துக்கு 120 கிளைகள் உள்ளன.

மும்பை பங்கு சந்தையில் வெள்ளிக்கிழமை வர்த்தகத்தின் முடிவில் இந்நிறுவனத்தின் பங்கு விலை 1.08 சதவீதம் உயர்ந்து 828 ரூபாயில் முடிந்தது.