டாடா ஸ்டீல் நஷ்டம் ரூ.3,183 கோடி

டாடா ஸ்டீல் நிறுவனத்தின் நஷ்டம் அதிகரித்து ரூ.3,183 கோடியாக இருக்கிறது. கடந்த வருடம் இதே ஜூன் காலாண்டில் நஷ்டம் ரூ.316 கோடியாக இருந்தது. நிறுவனத்தின் மொத்த வருமானம் 6 சதவீதம் சரிந்து ரூ.26,406 கோடியாக இருக்கிறது. கடந்த வருடம் இதே காலாண்டில் ரூ.28,025 கோடியாக இருந்தது.

நிறுவனத்தின் மொத்த கடனும் இந்த காலாண்டில் அதிகரித்துள்ளது. கடந்த வருடத்துக்கு முன்பு ரூ.81,975 கோடியாக இருந்த கடன், இப்போது ரூ.85,475 கோடியாக இருக்கிறது. நிகர கடன் ரூ.75,259 கோடியாக இருக்கிறது.

இங்கிலாந்தில் இருக்கும் ஸ்டீல் ஆலையை விற்பதில் டாடா ஸ்டீல் யு.கே நிறுவனம் தீவிரமாக இறங்கி இருக்கிறது. வாங்குவதற்கு தயாராக இருக்கும் முதலீட்டாளர்கள் நிர்வாகத்துடன் கலந்து விவாதிப்பதற்கான திட்டங்கள் தீட்டப்பட்டு வருகின்றன என டாடா ஸ்டீல் தெரிவித்துள்ளது.