முன்னணி வீட்டு உபயோக நிறுவனமான கோத்ரெஜ் அப்ளையன்ஸஸ், புதிய ஏசி ரகத்தை சென்னையில் நேற்று அறிமுகம் செய்தது. 5 ஸ்டார் ரேட்டிங் கொண்ட கோத்ரெஜ் என் எக்ஸ் டபிள்யூ ஏசியை அறிமுகப்படுத்தியது. அதிக மின் சேமிப்பு திறன் கொண்ட இந்த இயந்திரம் இன்வெர்டர் வசதியையும் கொண்டுள்ளது.
நிகழ்ச்சியில் நிறுவனத்தின், வர்த்தகப் பிரிவு செயல் துணைத் தலைவர் கமல் நந்தி பேசுகையில், வாடிக்கையாளர்களுக்கு மின்சாரத்தை சேமிக்கும் வகையில் 5.8 ஐஎஸ்இஇஆர் தர மதிப்பீட்டுடன் இந்த ஏசியை உருவாக்கியுள்ளோம். இந்த ஏசி இன்வெர்ட்டர் வசதி கொண்டது. இந்த வசதி கொண்ட ஏசி விற்பனையில் 2018ம் ஆண்டுக்குள் 20 சதவீத சந்தையை கைப்பற்றவும் கோத்ரெஜ் இலக்கு வைத்துள்ளது என்றார்.
இந்த ஏசி 1 டன் மற்றும் 1.5 டன் அளவுகளில் கிடைக்கும். இவற்றின் விலை ரூ.55 ஆயிரம் முதல் ரூ.66 ஆயிரம் வரையில் அமைந்துள்ளது.