வோடபோன் 4ஜி சென்னையில் அறிமுகம்

வோடபோன் தொலைத் தொடர்பு நிறுவனம் சென்னையில் 4ஜி நெட்வொர்க் சேவையை தொடங்கியுள்ளது. ஏற்கெனவே தமிழ்நாட்டில் கோயம்புத்தூர், திருப்பூர் மற்றும் மதுரை ஆகிய நகரங்களில் 4ஜி நெட்வொர்க் அறிமுகத்தைத் தொடர்ந்து, சென்னையில் நேற்று செஸ் விளையாட்டு வீரர் விஸ் நாதன் ஆனந்த் வோடபோன் 4 ஜி சேவையை அறிமுகம் செய்தார். 2017 மார்ச் மாதத்துக்குள் அனைத்து முக்கிய நகரங்களுக்கும் சேவை விரிவுபடுத்தப்படும் என்று வோடபோன் இந்தியா நிறுவனத்தின் தமிழ்நாடு தலைமை அதிகாரி எஸ். முரளி தெரிவித்தார்.

அறிமுகச் சலுகையாக வோட போன் 4 ஜி நெட்வொர்க்கிற்கு மாறும் வாடிக்கையாளர்களுக்கு 2ஜிபி டேட்டா இலவசமாக அளிக்கப்படும் என நிறுவனம் தெரிவித்துள்ளது. இந்நிறுவனம் உலகம் முழுவதும் 19 நாடுகளில் 4ஜி சேவையை வழங்கி வருகிறது. இந்தியா 20 வது நாடு என்றும் முரளி கூறினார்.